Azərbaycanda kişisayağı Pussy riot

Bərdə rayon sakini yol polisinin özbaşınalığına etiraz olaraq rayon yol polisinin binası qarşısında soyunub. Bu aksiyadan videokadrlari InterPress XeberTV youtube.com-da yerləşdirib. Kadrlarda adı məlum olmayan kişi yolda çılpaq oturaraq bildirir ki, yol polisinin özbaşınalığı onu bu addımı atmağa vadar edib. Sonra deyib ki, polis rəisi  onu 300 manat verməyə məcbur edib. O, polis rəisinin ünvanına təhqiramiz ifadələr işlədib. 

Mülki şəxslər və polislər onun ətrafına toplaşaraq geyinməyə çağırırlar. Polislərdən biri onun üzünə vurur, lakin bu da kömək etmir. Uzun-uzun dilə tutduqdan sonra tumanını geyinib və bildirib ki, öz aksiyasını şəhərin bütün küçələrində davam etdirəcək. Bununla da üçdəqiqəlik videogörüntü başa çatır. Görülənlərdən konkret nəyin nə baş verdiyini anlamaq çətindir, lakin açıq-aşkar görünür ki, etirazçı özündə deyil, ya da ki sərxoşdur.

Turan agentliyi Bərdə rayon polis bölməsindən şərh almaq, kişinin adını öyrənmək mümkün olmayıb. DİN mətbuat xidmətindən bildirilib ki, məsələ araşdırılmalıdır.

Qeyd edək ki, bu, Azərbaycanda polis özbaşınalığına qarşı ilk belə hadisədir. Naməlum kişinin hərəkətləri bütün dünyada soyunmaqla etiraz aksiyası keçirən qeyri-formal Pussy Riot qrupundan götürülüb.-16D06-