Bakı/02.05.19/Turan: Reportyorların Azadlıq və Təhlükəsizlik İnstitutu mayın 3-də Bakıda "Azərbaycanda mətbuat azadlığı" mövzusunda dəyirmi masa təşkil edib. Tədbir Ümumdünya Mətbuat Gününə həsr edilib.
RATİ-nin press-relizində qeyd edilir ki, YUNESCO-nun himayəsi altında qeyd olunan Ümumdünya Mətbuat Azadlığı Günü bu il "Kütləvi informasiya vasitələri demokratiya uğrunda: dezinformasiya dövründə jurnalistika və seçkilər" mövzusunda keçir.
Tədbir zamanı həmçinin jurnalistlərin təhlükəsizliyi və təqib edilməsi ilə bağlı situasiyanın, informasiyanın əldə edilməsi probleminin, internet-senzuranın, diffamasiyanın, KİV-lərin obyektivliyi və müstəqilliyinin, KİV-lərin iqtisadi durumunun, ictimai tele-radio yayım sahəsində situasiyanın, jurnalistika etikasının vəziyyətinin, seçki öncəsi KİV-lərin işini və Azərbaycanın media məkanının bir sıra aktual problemlərinin də müzakirə edilməsi planlaşdırılır, deyə RATİ-nin İdarə Heyətinin sədri Mehman Hüseynov bildirib.
Tədbirdə spiker qismində aparıcı media ekspertlərinin və Azərbaycanın jurnalist cəmiyyəti nümayəndələrinin çıxış edəcəyi gözlənilir.
Dəyirmi masa cümə günü, mayın 3-də saat 11-dən 13-dək Hilton otelində (YAGUT zalı), Azadlıq prospekti 1B, Bakı, Azərbaycan ünvanında keçiriləcək. -06D-
Cəmiyyət
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
-
Çərşənbə axşamı hava dəyişkən olacaq, yağıntı olmayacaq. Şimal-qərb küləyi əsəcək. Havanın temperaturu gecə müsbət 3+6, gündüz müsbət 6+9 dərəcə olacaq. Rütubət 70-80 faiz olacaq.
-
İmişli rayonunda ictimai yerdə törətdikləri xuliqanlıq hərəkətlərinə görə bir qrup şəxs həbs edilib.
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
Rəy yaz