Azərbaycanda qanunsuz ov edən Qətər vətəndaşı cərimə olunub
Azərbaycanda qanunsuz ov edən Qətər vətəndaşı cərimə olunub
Ətraf mühit, biomüxtəliflik və iqlim böhranına qarşı fəaliyyət göstərən ekoaktivist qrupun təsis etdiyi Ekofront təşkilatı xarici ölkə vətəndaşlarının son bir neçə gündə Azərbaycan ərazisində "Qırmızı kitaba" düşmüş quşların ovu ilə məşğul olduğu barədə sosial şəbəkələrdə məlumatlar yayıb.
"Artıq 3 gündən çoxdur ki, Salyanda (Kür Hotel) qalan bir qrup Qətər vətəndaşı Biləsuvarda qış otlaqlarında qırmızı kitab növü olan bəzgəklərin ovu ilə məşğuldur. Nə qədər cəhd etsək də, adamları ov vaxtı tapa bilmədik, bütün çobanlar onlara işləyir və bizim ərazidə olduğumuzu onlara ötürdülər. Lakin özləri utanmadan ovlarını qürurla paylaşıblar", deyə Ecofront təşkilatı facebook səhifəsində yazıb.
Ekologiya və Təbii Sərvətlər Nazirliyi Turan-ın sorğusuna cavabda bildirib ki, xarici ölkə vətəndaşının Biləsuvar rayonu, Muğan kəndi ərazisində Azərbaycanın "Qırmızı Kitabı"na düşmüş bəzgək quşunu ovlaması ilə bağlı sosial şəbəkələrdə yayılan məlumat Dövlət Ekoloji Təhlükəsizlik Xidmətinin əməkdaşları tərəfindən araşdırılıb.
"Xidmət rəsmisi Bəhruz Məhəmmədov bildirib ki, araşdırma zamanı qanunsuz ov edən şəxsin Qətər vətəndaşı Salem Jaber AZAl-Marri olduğu müəyyən edilib. Faktla bağlı təqsirkar şəxs barəsində akt, protokol tərtib olunub və o, Azərbaycanın İnzibati Xətalar Məcəllləsinin 272.3-cü maddəsinə əsasən 2330 manat məbləğində cərimələnib", deyə nazirliyin mətbuat xidməti bildirib.
Rəy yaz
Cəmiyyət
-
İsti ayların gəlməsilə Azərbaycanın kənd yerlərində onilliklər boyu həll olunmayan bərk məişət tullantılarının toplanması problemi yenidən aktuallaşır.
-
Ülviyyə Fətəliyeva Yunanıstanın Rodos şəhərində keçirilən qitə birinciliyində böyüklər arasında şahmat üzrə Avropa çempionu olub.
-
Aprelin 30-da Bakıda və Abşeronda yağıntısız isti hava şəraiti davam edəcək. Cənub-şərq küləyi əsəcək, axşam şimal-qərb küləyinə gedəcək. Gündüz havanın temperaturu müsbət 25+30 dərəcəyə yüksələcək.
-
Avropa Parlamenti aprelin 25-də Avropa İttifaqını (Aİ) Azərbaycanla enerji sahəsində əməkdaşlığı dayandırmağa, gələcəkdə istənilən əməkdaşlıq barədə razılaşmanın şərti kimi bütün siyasi dustaqların azad olunması və insan haqlarının vəziyyətinin yaxşılaşdırılmasını tələb etməyə çağıran qətnamə qəbul edib.
1 rəy
Sabah
2024-01-19
Сегодня заплатит штраф, завтра опять пойдёт на охоту. Когда они въезжали в страну, то как они смогли ввезти своего сокола охотника в страну? Куда смотрели наши таможенники?????????????????? Пока эта группа о охране природы борется с вредителями природы страны, чиновники на этом делают деньги. Ничего не меняется.