Apellyasiya Məhkəməsi Hafiz Babalını həbsdə saxlayıb
Yanvarın 19-da Bakı Apellyasiya Məhkəməsi araşdırmaçı jurnalist Hafiz Babalının ev dustaqlığına keçirilməsindən imtina haqqında şikayətini təmin etməyib.
Vəkil Rəsul Cəfərovun verdiyi məlumata görə, iclasda Babalı qaçaqmalçılıq ittihamının və ona qarşı cinayət təqibinin jurnalist araşdırmaları ilə bağlı olduğunu təkrar edib.
Turan Agentliyinin "iqtisadi xəbərlər" şöbəsinin redaktoru Hafiz Babalı dekabrın 13-də saxlanılıb. Ona qarşı "xarici valyuta qaçaqmalçılığı" ittihamı irəli sürülüb. Məhkəmənin qərarı ilə o, üç ay müddətinə həbs olunub. Babalı 40 min avro pul vəsaitinin qaçaqmalçılığında ittiham olunan "Abzas Media" onlayn nəşrinin işi çərçivəsində məhkəməyə cəlb olunub. Guya bu pul vəsaiti Azərbaycan hakimiyyətini tənqid etmək üçün Qərb donorlarından alınıb.
Beynəlxalq təşkilatlar bu həbsləri pisləyib, jurnalistləri azad etməyə çağırıb.
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz