Azərbaycanda yeni media sahəsində tədris proqramları hazırlanıb

Təhsil Nazirliyi və Multimedia Mərkəzi on-line jurnalistika sahəsində kadrların hazırlanması üçün “Yeni media” tədris proqramları hazırlayıb.

 Proqramların hazırlanması və nəşri “Ali məktəblərdə yeni medianın tədrisinin təkmilləşdirilməsi” layihəsi çərçivəsində həyata keçirilir. Lahiyə Multimedia Mərkəzi və Amerikanın İREX qeyri-hökumət təşkilatı tərəfindən ABŞ səfirliyi yanında Amerika-Azərbaycan Medianın İnkişafı Fondunun dəstəyilə keçirilir.

İREX-Azərbaycan media proqramının rəhbəri Anjela Nikoapa bildirib ki, yeni medianın inkişafı İREX-in Azərbaycandakı prioritetlərindən biridir.

Hazırlanmış tədris proqramları həm ali məktəblərin jurnalistika fakültəsinin müəllimləri, həm də tələbələr üçün nəzərdə tutulub.

Tədris proqramlarının tərtibçisi, Multimedia Mərkəzinin rəhbəri Osman Gündüz qeyd edib ki Azərbaycanda yenimedia bazarı formalaşıb: on-line TV və radio, xəbərlər resursları, çap KİV-in İnternet-versiyası. Həmin resurslarda işləmək üçün tələbələr on-line jurnalistikanın öyrədilməsi vacibdir.

“Yeni media” tədris proqramları 5 hissədən ibarətdir: “Yeni mediaya giriş” təhsil  alanların hamısı üçündür. Sonra tələbələr öz istəklərinə uyğun olaraq aşağıdakıları seçə bilər: “Multimediya jurnalistika (on-line TV və radioda çalışanlar üçün), “On-line jurnalistika” (yazan jurnalistlər) və “Sosial media”. Onun sözlərinə görə, sonunu fənn biznes-qurumlarda iş üçün tələb olunur.

Layihə çərçivəsində 9 ali məktəbdə on-line laboratoriyalar yaradılıb. Burada tələbələr multimedia materialları hazırlaya bilər.

Təhsil nazirinin müavini Qulu Novruzov bildirib ki, “Yeni media” tədris proqramları rəsmən jurnalistika fakültəsinin tələbələri üçün dərslik kimi təsdiqlənib.

Bu, yalnız başlanğıcdır və tədris vəsaitlərinin nəşri, müvafiq ədəbiyyatın Azərbaycan dilinə tərcüməsi planlaşdırlır.

İREX-Azərbaycan-ın yeni media üzrə mütəxəssisi Ülviyyə Əsədzadə bildirib ki, “Yeni media” kursları və ümumilkdə jurnalistika üzrə http://az.irexlearning.org veb-resursu vasitəsilə öyrənmək olar. Yeni media üzrə biliklər verən mütəxəssislər arasında tanınmış amerikalı jurnalist Devid Bryuer də var.

Beynəlxalq ekspert Vitali Radski “Yeni media”nın tədrisi ilə bağlı xarici təcrübədən danışıb.

ABŞ-da təhsil ali məktəblərdə 15 ildir ki, aparılır. Lakin bu tədris vəsaiti hamı üçün əlverişli deyil. Odur ki, on-line tədris metodu hazırlanıb. Bu cür populyar resurslardan biri canvas.net-dir.  

Sonra müzakirə iştirakçıları yeni media sahəsində kadrların peşə hazırlığının artırılmasına dair fikir mübadiləsi aparıblar.—06C-