Azərbaycandakı dini konfessiyaların rəhbərləri dünya birliyini erməni təcavüzünü pisləməyə çağırıblar

Azərbaycandakı dini konfessiyaların rəhbərləri qoşunların təmas xəttində erməni silahlı qüvvələrinin vəziyyəti gərginləşdirməsilə əlaqədar dünya ictimaiyyətinə müraciət yayıblar.

Qafqaz Müsəlmanları İdarəsinin sədri şeyxülislam Allahşükür Paşazadə, Bakı və Azərbaycan arxiyepiskopu Aleksandr, Dağ yəhudiləri icmasının rəhbəri Melih Yevdayev və Avropa yəhudiləri icmasının sədri Gennadi Zelmanoviçin müraciətində Azərbaycan-Ermənistan qoşunlarının təmas xəttində baş verən təxribatlarla bağlı narahatlıq ifadə olunur.

“ Biz, din xadimləri bütün dünyada hər zaman sülh və anlaşma tərəfdarı kimi çıxış edirik. Son günlər Azərbaycan-Ermənistan qoşunlarının təmas xəttində erməni tərəfinin təxribatlara əl atması Ermənistanın işğalçı niyyətlərini bir daha sübut etdi. 

Münaqişənin sülh yolu ilə həllinə üstunluk verən, günahsız qurbanların sayının artmasını istəməyən Azərbaycan tərəfi əvvəlcə birtərəfli qaydada atəşkəs elan etdi. Hazırda ümumi atəşkəs haqda razılaşma əldə olunsa d, qarşı tərəfdən mütəmadi şəkildə pozulmaqdadır.

Dünya, o cümlədən, ermənilərin özləri Qarabağın Azərbaycan torpağı olduğunu gözəl bilir. Bütün beynəlxalq sənədlərdə Azərbaycanın ərazi bütövlüyü tanınır, Dağlıq Qarabağ respublikası adlandırılan qondarma qurum heç kəs tərəfindən qəbul edilmir. İşğal altında olan ərazilər nəzarətsiz, istənilən qanunsuz əməllər üçün əlverişli məkandır. Separatçı, terrorçu rejimin müdafiəsini məhz Ermənistan həyata keçirir”, - müraciətdə deyilir.–06d--