Aprelin 13-də Ali Məhkəmədə Azərbaycan Xalq Cəbhəsi Partiyasının (AXCP) gənc fəalı Murad Adilovun kassasiya şikayətinə baxılması baş tutmayıb. Hakim İlham Cəfərovun xidməti ezamiyyətdə olması ilə əlaqədar proses aprelin 15-nə keçirilib. Bu barədə vəkil Yalçın İmanov bildirib. Bu səbəbdən də jurnalist Seymur Həzinin şikayətinə baxılması təxirə salınıb.
M.Adilov 2014-cü ilin avqustunda həbs olunub və sonradan narkotik maddə saxlamaq ittihamı ilə altı il müddətinə mühakimə edilib. O, ittihamı rədd edərək bildirib ki, müxalifətçi fəaliyyətinə və qardaşı Natiq Adilovun jurnalist fəaliyyətinə görə siyasi motivlərlə təqib edilir.
N.Adilov xaricdən peyklə yayımlanan “Azərbaycan saatı” teleproqramının aparıcısıdır. Proqramda Azərbaycanda rejim kəskin tənqid edilir.
S.Həzi sözügedən proqramın aparıcısı olub. O da 2014-cü ilin avqustunda həbs olunub və xuliqanlıq ittihamı ilə 5 il müddətinə azadlıqdan məhrum edilib.
Hər iki gənc yerli və beynəlxalq hüquq-müdafiə qurumları tərəfindən siyasi məhbus kimi tanınıb.–06B--
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz