Qarabağ münaqişəsi AŞPA-nın yaz sessiyasına çıxarılacaq

Aprelin 18-də AŞPA sessiyasının ilk günündə Qarabağ münaqişəsi zonasında vəziyyətin kəskinləşməsi müzakirə olunacaq.

Sessiyanın gündəliyində deyilir ki, mövzu belə adlandırılıb: “Dağlıq Qarabağ münaqişəsinin  son faciəvi eskalasiyası”.

Gözlənildiyi kimi, Azərbaycan və erməni nümayəndə heyətləri bu dəfəki kəskinləşmənin səbəblərilə bağlı öz versiyalarını və nəticələri təqdim edəcəklər.

Erməni tərəfi Azərbaycanın hərəkətlərini pisləyən sənəd hazırlayır və Azərbaycanı aqressor kimi təqdim etmək istəyir.

Eyni zamanda erməni tərəfi Azərbaycanı hərbi cinayətlər törətməkdə ittiham edir. Bu məqsədlə Strasburqa Cenevrə konvensiyasının Azərbaycan tərəfindən pozulması ilə bağlı “şahid və sübutlar” gətiriləcək.

Erməni KİV-in məlumatına görə, söhbət məhkəmə-tibbi ekspertiza rəylərindən, şahid ifadələrindən və videoçəkilişlərdən gedir.

Azərbaycan tərəfi cavab tədbirləri hazırlayır.-02D-