Azərbaycan Alpinizm Federasiyası (AAF) ölkənin ən hündür zirvəsində Şahdağ regionunda təlim-məşq toplantılarının keçirilməsini planlaşdırır.
Oktyabrın 24-dən noyabrın 4-dək keçiriləcək toplantılarda Azərbaycanın alpinizm komandasının həm təcrübəli, həm də gənc idmançıları iştirak edəcəklər.
AAF mətbuat xidmətinin məlumatına görə, toplantı çərçivəsində Bazaryurd (4126 m.), Qızıl Qaya (3751 m.), Tfandağ (4191 m.) zirvələrinə qalxacaqlar.
Toplantılarda “Nikoyl”, “Respublika Alpinist Turist Klubu”, “İrbis”, “Qartal” klublarından 24 idmançı iştirak edəcək.
Toplantılar alpinizm üzrə təcrübəli təlimatçıların rəhbərliyi ilə keçiriləcək.
Qeyd edək ki, AAF prezidenti, idman ustası İsrafil Aşurlu toplantılarda iştirak edəcək. -02D-
Cəmiyyət
-
Vəkil Aqil Layıc Bakı Apellyasiya Məhkəməsinin sədri Mübariz Əkbərovu idarəçilikdə özbaşınalıqda ittiham edərək, Prezident İlham Əliyevdən müdaxilə etməyi xahiş edib. Layıc öz narahatlığını Facebook paylaşımında ifadə edərək bildirib ki, Əkbərovun rəhbərliyi altında hüquqi müdafiə “formal səviyyəyə” endirilib.
-
İnnovasiya və sürət lideri “Bakcell” inklüzivliyə dəstək strategiyası çərçivəsində "Birgə və Sağlam" İctimai Birliyi tərəfindən yaradılan “Kaşalata” kafedə “İnnovasiyalarla Müxtəlifliyə Doğru” adlı tədbir təşkil edib. Tədbirin məqsədi "Bakcell" ilə “Birgə və Sağlam” İctimai Birliyi arasındakı tərəfdaşlığın qeyd olunması və kafedə çalışan gənclərlə görüş olub.
-
Azərbaycan Nazirlər Kabineti 1999-cu ildə təsdiq edilmiş və yol hərəkəti qaydalarının pozulmasına görə cərimələrdən əldə edilən vəsaitlərin bölüşdürülməsinə dair qaydalara düzəlişləri təsdiq edib. 2025-ci il yanvarın 23-də imzalanan və №14 saylı qərar formasında rəsmiləşdirilən bu dəyişikliklər, Bakı şəhərinin inzibati ərazisində yol hərəkətinin idarə edilməsinin təkmilləşdirilməsi ilə bağlı prezident fərmanlarına uyğunlaşdırma məqsədi daşıyır.
-
Yanvarın 25-də paytaxtda hava dəyişkən olacaq. Gecə və səhər yerlərdə zəif yağıntı olacaq. Şimal-qərb küləyi əsəcək. Havanın temperaturu gecə müsbət 4 +6, gündüz müabət 7 + 10 dərəcə, rütubət 70-80 faiz olacaq.
Rəy yaz