Dünya İqtisadi Forumunun (DİF) monitorinq keçirdiyi 135 ölkə arasında Azərbaycan gender bərabərliyi məsələsində 99-cu yeri tutur.
2007-ci ildə ilk dəfə Azərbaycan renkinqə düşdüyü zaman 59-cu yeri tutmuşdu. Sonrakı illər müxtəlif siyasi səbəblərdən 61, 89, 100, 91 və nəhayət, 99-cu yerləri tutub. http://www3.weforum.org/docs/WEF_GenderGap_Report2012.pdf saytının rəsmi məlumatına görə, Azərbaycan orta və ali təhsilin keyfiyyətinin aşağı düşməsi, oğlan uşaqlarının doğulmasına üstünlüyün verilməsi, yerlərdə gender siyasəti haqqında qanunların implementasiyasının aşağı səviyyədə olması nəticəsində ötən illə müqayisədə səkkiz bənd itirib.
Əsas səbəblərdən biri qadınların xidmət üzrə irəliləməsində məhdudiyyətlərin olması, praktiki olaraq iri iqtisadi, əsasən sahibkarlıq strukturlarında qadınların iştirak etməməsidir.
Monitorinqin yekunlarına görə, Azərbaycan iqtisadiyyatda qadınların fəallığının səviyyəsi üzrə 74-cü, təhsilin keyfiyyəti üzrə 85-ci, siyasətdə iştirak üzrə 113-cü yeri tutur.
Sağlamlığa xüsusi diqqət yetirilib. Araşdırmada qeyd olunur ki, sənəd müəllifləri uşaq doğularkən kişi cinsinə üstünlüyün verilməsini yolverilməz hesab edirlər. Bu məsələdə də Azərbaycan sonuncu 135-ci yerdədir. Bu, Səudiyyə Ərəbistanı, Suriya, Çad, Pakistan və Yəməndə olduğundan pisdir. Bu ölkələr dünya reytinqində sonuncu beş yeri tutur.
Reytinqdə ilk üç yerdə Şimali Avropa ölkələri (İslandiya, Finlandiya və Norveç) gəlir. Bundan əlavə, ilk onluğa İsveç, İrlandiya, Yeni Zelandiya, Danimarka, Filippin, Nikaraqua və İsveçrə daxildir.
Qeyd edək ki, dünya iqtisadiyyatında 60% paya malik olan ölkələrdə qadınlarla kişilərin hüquqları bərabərdir.
Postsovet məkanında ilk yerləri Latviya (15), Qazaxıstan (31) və Litva (34) tutur. Ermənistan 92-ci, Tacikistan 96-cı yerdədir. -17D—
Cəmiyyət
-
Azərbaycan hakimiyyətinin təmsilçiləri tez-tez xalqın onlara yüksək dəstəyindən bəhs edirlər. Onların opponentləri isə hesab edirlər ki, ölkədə azad və ədalətli seçkilər olmadığından xalqın gerçəkdə kimi müdafiə etdiyi mübahisəli məsələdir.
-
Yanvarın 24-də Bakıda hava tutqun, yağıntısız olacaq. Cənub-qərb küləyi gündüz şimal-qərb küləyi ilə əvəz olunacaq. Gecə 5-8 dərəcə, gündüz 8-11 dərəcə isti olacaq. Nisbi rütubət 70-80% təşkil edəcək.
-
Yanvarın 20-də "Lənkəran" sərhəd dəstəsinin xidməti ərazisində ümumi çəkisi 80 kiloqram 685 qram narkotik vasitə (77 kq 645 qram marixuana, 3 kq 35 qram heroin, 5 qram tiryək),1000 ədəd narkotik tərkibli metadon M-40 və 245 ədəd müxtəlif tərkibli dərman həbinin qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
-
Artıq bütün Azercell müştəriləri süni zəka texnologiyasına əsaslanan “AI Chat Bot” xidmətindən yararlana bilərlər Azercell-in süni zəka texnologiyası əsasında işləyən innovativ “AI Chat Bot” xidməti artıq iOS istifadəçiləri üçün də əlçatandır. Abunəçilərə ən üstün müştəri təcrübəsini təqdim etməyə yönəlmiş yeni həll müştəri sorğularını 24/7 rejimində operativ şəkildə cavablandırır.
Rəy yaz