Mahaçqala/23.10.18/Turan: Dərbənddə üç fəhlə inşaatda yüksəklikdə iş görərkən yıxılaraq həlak olub. Bu barədə Rusiya KİV-ləri məlumat yayıb.
"İlkin məlumatlara görə, Azərbaycanlı üç fəhlə Dərbənddə tikilməkdə olan binadan yıxılıb. Onlar hadisə yerindəcə dünyasını dəyişib", deyə Dağıstanın hüquq-mühafizə orqanlarındakı mənbə bildirib.
Dağıstan DİN-in mətbuat xidmətindən bildiriblər ki, üç nəfərin cəsədi çərşənbə axşamı Dərbənddə inşaatın qarşısında tapılıb. "İlkin məlumata görə, onlar yüksəklikdən yıxılaraq dünyasını dəyişib. Hadisə yerində əməliyyat-istintaq qrupu işləyir, hadisənin hal və şərtləri müəyyən edilir", deyə həmsöhbətimiz bildirib.--0--
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz