Beynəlxalq Haqq və Ədalət Assosiasiyasının Azərbaycanda korrupsiya halları və insan hüquqlarının pozulmasına etiraz olaraq İsveçrədə Bern şəhərinin mərkəzində mitinq keçirib.
Mitinqin qətnaməsində deyilir ki, sosial statusundan və milli mənsubiyyətindən asılı olmayaraq Azərbaycan vətəndaşı hər addımda hüquqlarının tapdalanması ilə üzləşir. Hər dəfə prezident, parlament və bələdiyyə seçkiləri total saxtakarlıqla keçirilir. “Seçkinin nəticələri seçki komissiyaları tərəfindən saxtalaşdırılır və vətəndaşların hakimiyyət orqanlarına olan inamı heçə enir. Ölkədə elementar vətəndaş hüquq və azadlıqlarına əməl edilmir. Buna etiraz edən insanlar isə polis zorakılığına məruz qalır”, - sənəddə vurğulanır.
Qeyd olunur ki, hər bir ölkədə siyasi partiyalar, azad mətbuat və vətəndaş cəmiyyəti institutlarının vəziyyəti həmin ölkədə demokratiyanın nə dərəcədə olması göstəricisidir. “Çox təəssüf ki, bu gün Azərbaycanda müxalif partiya nümayəndələri məhz siyasi mövqeyinə görə həbs edilir, müxtəlif formada təzyiq və təqiblərə məruz qalır. Mətbuatın böyük bir hissəsi hakimiyyətin monopoliyasındadır. Az sayda olan müstəqil mətbuat isə tez-tez iri məbləğdə maliyyə cərimələri ilə üzləşir. Müstəqil jurnalistlər ya həbs edilir, ya da müxtəlif formada hakimiyyət orqanları tərəfindən şantajlarla üzləşirlər”, - qətnamədə bildirilir.
Beynəlxalq Haqq və Ədalət Assosiasiyası hakimiyyətdən yalançı hesabatlara son qoyulmasını və real vəziyyət barədə ictimaiyyətə geniş məlumat verilməsini, kütləvi işsizlik hallarının aradan qaldırılması, sosial – iqtisadi vəziyyətinin yaxşılaşdırılması üçün təxirəsalınmaz tədbirlərin həyata keçirilməsini, korrupsiya yolu ilə dövlət büdcəsini mənimsəyən məmurların cinayət məsuliyyətinə cəlb olunmasını, seçki saxtakarlığına son qoyulmasını, siyasi plüralizmin bərqərar edilməsini, siyasi baxışlarına görə vətəndaşların həbsinə və təqiblərinə son qoyulmasını, müstəqil mətbuat və jurnalistlərə qarşı həbslərin, təzyiqlərin dayandırılmasını, polis özbaşınalığına son qoyulmasını tələb edir.-03D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz