TANAP qaz kəməri layihəsi necə icra olunacaq?

ARDNŞ (80% pay), Türkiyənin BOTAS (10%) və TPAO (10%) şirkətlərinin Transanadolu qaz kəmərinin çəkilməsi və istismarı üçün yaratdıqları TANAP Со bu yaxınlarda kəmərin tikintisi ilə bağlı TİƏ-nin hazırlanması üzrə tender elan edəcək. Bu barədə Turan Azərbaycanın hökumət mənbələrindən öyrənib.

Qalibin müəyyən edilməsi proseduru və müvafiq kontrakt bağlanması operativ icra edilməlidir. Paralel olaraq qaz kəmərinin dəqiq marşrutu müəyyən ediləcək. Turan müxbirinin “Əgər “Şahdəniz” konsorsiumu TAP ilə Nabucco-West arasında yekun seçimi 2013-ci ilin ortalarında edəcəksə, dəqiq marşrut necə müəyyən ediləcək?” sualına müsahib belə cavab verib: “İstənilən halda TANAP Türkiyənin Avropa hissəsinə çıxmalıdır”.

Məsələ burasındadır ki, TANAP Со-nun iş cədvəlinə əsasən, TİƏ üzərində iş 2013-cü ilin sentyabrına bitməlidir, “Şahdəniz” konsorsiumu  isə yekun seçimi növbəti ilin iyununda etməlidir. 

Beləliklə, belə mənzərə alınır: 2013-cü ilin IV rübündə TİƏ əsasında  2000 km qaz kəmərinin tikintisi üçün tender elan ediləcək. Ehtimal ki, o, müxtəlif lotlar üzrə olacaq. Gələn ilin sonuna kimi tenderin qalibləri elan ediləcək və müvafiq kontrakt imzalanacaq. 2014-cü ildə borunun alıtındakı torpaqlar alınacaq, boru tədarükü üzrə sazişlər imzalanacaq, torpaq işləri görüləcək. 2014-cü ilin II yarısında ilk tikinti işləri başlanılacaq, 36 aydan sonra kəmər istismara veriləcək. 

Borunun diametri 56 düym, ilkin gücü 16 mlrd m3 təşkil edəcək. Gələcəkdə onu kompressor stansiyalarının gücünü və sayını artırmaqla 31 mlrd m3-ə çatdırmaq planlaşdırılır. 

ARDNŞ mütəxəssislərinə görə, TANAP-ın I mərhələsinin tikintisi 7-7,5 mlrd avroya başa gələcək. Bu göstərici ВР-nin Nabucco üzrə keçən ilki hesablaması ilə də uyğun gəlir. Onda ilk dəfə elan edildi ki, Nabucco-nu (“Şahdəniz 2” üçün, buraxılış qabiliyyəti 16 mlrd m3) indiki qiymətlərlə 14-14,5 mlrd avroya həyata keçirmək olar. 

* TANAP üzrə kommersiya sazişi paketi 26 iyun 2012-ci ildə İstanbulda imzalanıb. –12D--