![Buna ekspertiza demək olarmı?](https://turan.az/resized/media/2012/main/070200004380-750-500-resize.webp)
Buna ekspertiza demək olarmı?
“Kür” Vətəndaş Cəmiyyəti Qərargahı hüquq müdafiəçisi İlham Əmiraslanovun iyunun 9-dan Kürdəxanı istintaq təcridxanasında saxlanmasına baxmayaraq, ekspertizadan keçirilməməsi ilə bağlı iyunun 30-da ombudsman Elmira Süleymanovaya müraciət edib.
Həmin müraciətdən sonra, yəni iyulun 1-də cinayət işini aparan müstəntiq Vüsal adlı şəxs və məhkəmə-tibb ekspertizasının eksperti Ceyhun Allahverdiyev Bakı Vahid İstintaq Təcridxanasına gəliblər. Amma İ.Əmiraslanovun vəkili dəvət olunmayıb.
Ekspert İ.Əmiraslanovun bədənində hər hansı qaraltının olmadığını göstərib. Onun qulağından çıxan havanın və qulağının cırılmasının şahidi olan ekspert müayinə əvəzinə müttəhimə “qulağın iki həftəyə sağalmasa, daha sağalmayacaq” deməklə kifayətlənib. C.Allahverdiyev İ.Əmiraslanova bildirib ki, qulağına, döş qəfəsinin alt hissəsindəki ağrlara başqa həkimin baxmalıdır.
Müttəhim ağrılardan sakitlik tapmaq üçün ağrıkəsici dərmanlar istədikdə ekspert bununla bağlı müstəntiqə müraciət etməyi məsləhət bilib. İ.Əmiraslanovun qulağını, döş qəfəsini müayinə etməzdən öncə bu haqda şikayəti olmaması haqda arayış hazırlanıb. İ.Əmiraslanov bu arayışın saxta olduğunu bildirib, ağrıların getdikcə gücləndiyini deyib, eksperti siyasi sifarişlə işləməkdə ittiham edib.
Öz növbəsində “Kür” Vətəndaş Qərargahı İ.Əmiraslanovun hüquqlarının müdafiəsi üçün bundan sonra da mübarizə aparacağını və aidiyyatı qurumlara müraciətləri davam etdirəcəyini bildirib.
İ.Əmiraslanov 2010-cu ilin mayında sel daşqınlarından əziyyət çəkən adamların hüquqlarını fəal şəkildə müdafiə edib. Sel daşqınlarından əziyyət çəkənlərin problemlərilə bağlı 2012-ci il iyunun 4-də Sabirabadda fövqəladə hallar naziri Kəmaləddin Heydərovun iştirakı ilə keçirilən tədbirdə iştirak edib. Bu tədbirdən 5 gün sonra İ.Əmiraslanov polis tərəfindən həbs edilib, həbs edilərkən fiziki zorakılığa məruz qalıb. Bunun nəticəsində qulaq pərsədi cırlılb, döş altı qəfəs nahiyəsində və kürəyindən xəsarətlər alıb. İyunun 9-dan Kürdəxanı təcridxanasında saxlanılır. Amma bu müddətdə aldığı xəsarətlərlə bağlı müayinə edilməyib və ekspertizadan keçirilməyib.-05B-
-
- Cəmiyyət
- 2 İyul 2012 19:25
-
- İqtisadiyyat
- 3 İyul 2012 11:51
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz