![Bakı Meriyası köşkləri dəyişdirməsinin səbəbi ilə bağlı suala cavab verə bilmir](https://turan.az/resized/media/2012/main/111900018619-750-500-resize.webp)
Bakı Meriyası köşkləri dəyişdirməsinin səbəbi ilə bağlı suala cavab verə bilmir
Bazar ertəsi 1 saylı Bakı İnzibati-İqtisad Məhkəməsində Turan İnformasiya Agentliyinin Bakı meriyasına qarşı iddiası üzrə məhkəmənin hazırlıq iclası keçirilib.
İddia Bakı meri Hacıbala Abutalıbovun paytaxtda yeni köşklərin quraşdırılması ilə bağlı məlumat verməkdən imtina etməsi ilə əlaqədar “İnformasiya əldə etmək azadlığı haqqında” qanunun 24.1-ci maddəsinə əsasən verilib.
Abutalıbovun adına 28 avqust tarixli məktubda yeni köşklərin quraşdırılmasının qanunverici-normativ tərəfi, onların hüquqi sahibi, təyinatı üzrə istifadə olunmamasının səbəbi və bunun nəticəsində çap nəşriyyatına dəyən ziyan haqqında sualları cavablandırmaq xahişi yer alırdı.
Hakim Vüsalə Baxışovanın sədrliyi ilə keçirilən iclasda Meriyanın Ticarət və Xidmət departamentinin nümayəndəsi məktubda qaldırılan suallara cavab verə bilməyib.
Bundan başqa, Bakı şəhər İcra Hakimiyyətinin məhkəməyə təqdim edilmiş 521 saylı 28 oktyabr 2011-ci il tarixli sərəncamı QASİD distribütor firmasına məxsus qəzet köşklərinin dəyişdirilməsinin qanunsuz olduğunu göstərib.
Həyəcan dolu məktubda köhnə köşklərin dəyişdirilməsi zərurəti onlarln “şəhərin yeni estetik tələblərinə” uyğun olmaması və əhalinin KİV-ə olan tələbatının ödənilməsi zərurəti ilə əsaslandırılıb.
Sərəncamda ötən əsrin 30-cu illərindən dövri mətbuatın satışını həyata keçirən QASİD firmasının adı çəkilmir və əsas diqqət qəzet və jurnalların satışının yaxşılaşdırılmasına deyil, məsələnin estetik və ticari tərəfinə yetirilir.
Jurnalistlərin keçirdiyi monitorinqlər göstərir ki, yeni köşklərdə süni olaraq qəzetlərin, xüsusən müstəqil və müxalifət qəzetlərinin satışı məhdudlaşdırılır. Bəzi köşklərdə dövri mətbuat ümimiyyətlə satılmır, əvəzində ərzaq, içki və siqaret satılır. Bütün bunlar qəzetlərin tirajının azalmasına səbəb olub.
Tərəfləri dinləyən hakim Baxışova meriyanı dekabrın 14-nə təyin edilmiş növbəti iclasa qədər Turan agentliyinin suallarına cavab verməyə çağırıb. Məhkəmədə iddiaçının hüquqlarını Media Hüquqları İnstitutu müdafiə edir. -0-
-
- Söz istəyirəm
- 20 Noyabr 2012 10:38
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz