Bakıda Amerika universitetlərinin təhsil sərgisi keçirilib

Bakı/22.10.18/Turan: Oktyabrın 20-də Bakıda Education USA, ABŞ səfirliyi və Beynəlxalq Təhsil üzrə Amerika Şurasının dəstəyi ilə "Amerika universitetlərinin təhsil sərgisi" keçirilib.

Sərgini ziyarət edənlərə doqquz ABŞ universitetinin nümayəndəsi, mübadilə proqramlarının məzunları universitet proqramları, ərizə prosedurları, təqaüdlər, tələbə həyatı və ABŞ-da mədəni uyğunlaşma haqqında məlumat verib.

Sərgidə iştirak edən ABŞ-ın Bakıdakı səfirliyinin müvəqqəti işlər vəkili Villiam Gill bildirib ki, Amerikada təhsil almaqda maraqlı olan çoxsaylı gənc sərgidə iştirak edib. Cənab Gilin sözlərinə görə, ABŞ-da 4500-dən çox ali təhsil müəssisəsi fəaliyyət göstərir və hazırda ABŞ-da yüzlərlə azərbaycanlı tələbə təhsil alır.

"ABŞ Azərbaycanın gələcək nəsil tədqiqatçılarının, təhsil və digər sahələrdə mütəxəssislərinin yetişməsinə kömək göstərmək məqsədilə yüksək səviyyədə keyfiyyətli təhsil təklif edir. Biz çox məmnunuq ki, ABŞ Dövlət Departamentinin dəstəyi ilə Amerikada təhsil təşəbbüsü fəaliyyəti çərçivəsində bugünkü sərgidə 9 ali məktəbin nümayəndəsi iştirak edir. Bu fürsət iştirakçılara onları maraqlandıran suallara cavab almaq, eyni zamanda, ABŞ-da təhsil barədə ətraflı məlumat əldə etmək imkanı verir. Sərginin təşkilatçılarından olan "Education USA" Azərbaycanda ilboyu Amerikada təhsil almaq istəyənlərə bu ölkənin ali məktəbləri, müxtəlif təhsil müəssisələri haqqında dəqiq, hərtərəfli və qərəzsiz məlumat verərək tələbələrin bu ölkədə ali təhsil almasına yardım edir", - o qeyd edib.

"Education USA" ABŞ-da rəsmi qeydiyyata alınmış ali təhsil müəssisələri haqqında dəqiq, hərtərəfli və qərəzsiz məlumat verərək tələbələrin ABŞ-da ali təhsil almalarına yardım edir. "Education USA" ABŞ ali təhsil sisteminin rəsmi mənbəyidir və bu il yanvar ayından Azərbaycanda 1500-dən çox vətəndaşa xidmət göstərib.-16D-

Rəy yaz

Cəmiyyət

Berlin görüşü, Prezidentin mesajları, Qərbin addımları – Azər Qasımlı Çətin sualda



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti