Milli Sağlamlıq Mərkəzi. Açıq mənbələrdən foto
Bakı/22.10.18/Turan: Əmlak Məsələləri Dövlət Komitəsi "Milli Sağlamlıq Mərkəzi"ni (MSM) özəl idarəetməyə verməyi planlaşdırır. 2011-ci ildən tikilən Bakıdakı ən iri tibb müəssisəsi hələlik istismara verilməyib.
MSM Bakıda Heydər Əliyev prospektində yerləşir və 4,2 hektar ərazini tutur. Mərkəz Azərbaycan Respublikası Prezidentinin Xüsusi Tibbi Xidmətinə tabedir. MSM-in tikintisinə və texniki təchizatına dövlət investisiyasının həcmi barədə məlumat verilmir.
ƏMDK bildirir ki, MSM-in əsas binası artıq tikilib. 18 mərtəbəli xəstəxanada 542 xəstəxana çarpayısı, o cümlədən reanimasiya şöbəsində 71 yataq var. Mərkəzdə bir ildə 50 min xəstə, o cümlədən 15 minə qədər stasionar xəstə müalicə oluna biləcək. MSM-də poliklinika, diaqnostika xidməti, qan bankı, cərrahiyyə şöbəsi, təcili yardım və s var.
Əvvəllər ƏMDK Bakıda iki yeraltı avtomobil qarajını idarəetməyə vermək planını açıqlamışdı, amma hələlik onun həyata keçirilməsinə başlanmayıb. 08B--
İqtisadiyyat
-
Azərbaycanın qlobal ticarətdə mövqeyini gücləndirmək istiqamətində əhəmiyyətli bir addım olaraq, Biznes Mühiti və Beynəlxalq Reytinqlər Komissiyasının "Beynəlxalq Ticarət" işçi qrupu videokonfrans keçirdi. Görüş zamanı əldə edilmiş irəliləyişlər müzakirə edildi və 2025-ci il üçün hədəflər müəyyənləşdirildi. Görüşdə əsas iştirakçılar arasında İqtisadiyyat nazirinin birinci müavini Elnur Əliyev, İqtisadi İslahatların Monitorinqi və Qiymətləndirilməsi Sektorunun rəhbəri Vüsal Şıxəliyev və Dövlət Gömrük Komitəsi sədrinin müavini Natiq Şirinov yer alıb.
-
Azərbaycanın İqtisadiyyat Nazirliyi və Azərbaycan İxracın və İnvestisiyaların Təşviqi Agentliyinin (AZPROMO) təşəbbüsü ilə bu həftə Bakıda mühüm ixracatçılar görüşü keçirildi. Tədbir hökumət rəsmiləri, sənaye liderləri və sahibkarları bir araya gətirərək, son bir il ərzində ixrac əməliyyatlarında əldə olunan irəliləyişi nəzərdən keçirmək və 2025-ci il üçün iddialı hədəflər müəyyənləşdirmək məqsədi daşıyırdı.
-
Dövlət Gömrük Komitəsinin məlumatına görə, bu ilin ilk on bir ayı ərzində Azərbaycan dəmir yolu ilə 6,96 milyon ton yük daşımış və bu yüklərin dəyəri 3,01 milyard dollar təşkil etmişdir. Bu, 2023-cü ilin eyni dövrü ilə müqayisədə həcm baxımından 4%, dəyər baxımından isə 10,1% azalma deməkdir.
-
Azərbaycan Respublikasının Nazirlər Kabineti ölkənin rəqabət qanunvericiliyi çərçivəsində sazişlərin təsdiqlənməsini tənzimləyən qaydalar qəbul edib. Bu addım hüquqi çərçivəyə uyğunluğu artırmaq və bazar şəffaflığını gücləndirmək məqsədi daşıyır.
Rəy yaz