Bakıda fırıldaqçı dəstələr peyda olub. Belə ki, fırıldaqçılar paytaxtın metro stansiyalarının yaxınlığında, mərkəzi küçələrində bahalı avtomobillərdə dururlar və yoldan keçən nisbətən gözəgəlimli insanlara yaxınlaşaraq Avropanın müxtəlif ölkələrindən gəldiklərini və pullarının qurtardığını bildirirlər. Əvvəlcə pul istəyirlər sonra isə Avropa istehsalı adı altında Çində istehsal edilmiş çox aşağı keyfiyyətli, saxta emblemli qab-qacaqları onlara satırlar.
Fırıldaqçılardan biri Turan-ın müxbirini aldada bilib. “Füzuli küçəsində Rusiya seriyalı son rəqəmləri 777 olan S klass bahalı Mersedes avtomobilindən yüksək zövqlə geyinmiş iki gənc mənə yaxınlaşdı. Bir az yalvarış tərzində rus dilində “Almaniyadan gəlmişik pulumuz qurtarıb kömək edə bilərsiniz” dedilər. Bu bizim pasportumuiz və telefon nömrəmiz. Siz də telefon nömrənizi verin pulunuzu mütləq qaytaracağıq. Mən onlara pul verdim. Bu zaman gənclərdən biri dedi ki, avtomobilin yük yerində qab dəsti var, əvəzində onu götürün, 500 manat ödəyin. Təmiz alman istehsalıdır, sertifikatı var və s. Nə isə onlar 200 manatımı aldılar, qabları verib getdilər”, - o billdirib.
Turan agentliyinin araşdırmaları zamanı bəlli olub ki, belə fırıldaqçılar yüzlərlə insanı müxtəlif bəhanələrlə aldadıblar. Fırıldaqçılar öncə müxtəlif markalı bahalı avtomobilləri bir neçə ssatlığa icarəyə götürür, sonra avtomobillərin nömrə nişanlarını sarı rəngli, Almaniya və digər ölkələrdən gətirilən tranzit və ya Rusiya, Özbəkistan və başqa ölkələrin nömrə nişanları ilə əvəzləyirlər. Fırıldaqları həyata keçirildikdən sonra dərhal avtomobilləri icarə aldıqları firmalara geri qaytarırlar. Onlar həm də avtomobillərin qiymətinə uyğun yüksək zövqlə geyinir, insanlara müraciət edəndə özlərini Azərbaycan dilini bilməyən kimi qələmə verir, ya qarışıq danışır, ya da təmiz rus dilində müraciət edirlər.
Fırıldaqçılar qab-qacaq idxalçıları ilə bağlıdır. Çünki Turan-ın araşdırmaları zamanı bəlli olub ki, onlar bütün hallarda aşağı keyfiyyətli qab-qacaqları baha qiymətə satmağa nail olublar.-03B-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz