1908-ci ildə milyonçu İsa Hacınskinin tikdirdiyi Füzuli küçəsi, 39 ünvanında yerləşən tarixi binanın yeri dəyişdiriləcək. Bu həftənin sonunda hazırlıq işləri yekunlaşacaq, binanın sürüşdürülməsi əməliyyatını Hollandiyanın “Bresser Eurasia” şirkəti həyata keçirəcək.
Bu firmanın rəhbəri Leon Sveeger bazar günü keçirilən mətbuat konfransında bildirib ki, bina 10,6 metr kənara çəkiləcək və bu bina şirkətin indiyədək köçürdüyü ən böyük və ən ağır binadır.
Binanın uzunluğu 52 metr, eni 35 metr, hündürlüyü 20 metr, çəkisi 18 min tondur.
“Bresser Eurasia” şirkətinin banisi German Bresser öz növbəsində bildirib ki, binanın köçürülməsi iki məqsədə xidmət edir: yolun genişləndirilməsi və bu memarlıq abidəsinin qorunub saxlanması.
O, həmçinin qeyd edib ki, binanın köçürülməsi üçün onun altında artıq 210 hidravlik qaldırıcı qurğu quraşdırılıb. Bu qurğular vasitəsilə bina bir neçə millimetr qaldırılacaq və 15 metr çəkiləcək. Binanın köçürülməsi prosesi 5 gün davam edəcək.
Binada yaşayan bütün ailələr köçürülüb. Binanın köçürülməsinin səbəbi Qış Parkının tikintisidir. Bununla əlaqədar bu bölgədə minlərlə qədim yaşayış evi sökülüb, 60 minə yaxın insan köçürülüb.
Bir müddət əvvəl burada memarlıq və tarixi abidə olan ona yaxın bina sökülüb. -16B04-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz