gorod-plus.tv
Bakı/17.06.19/Turan: Birləşmiş Millətlər Təşkilatının İnkişaf Proqramının (BMTİP) Azərbaycan Nümayəndəliyi Azərbaycanda ilk dəfə inklüzivlik Hakatonu (İT sahәsindә mütәxәssislәrin forumu) təşkil edir.
BMTİP-dәn Turana bildiriblәr ki, tədbirin əsas məqsədi, Azərbaycanda əlilliyi olan insanların çətinlikləri göstərərək, onları aradan qaldırmaq üçün ideya və həll yollarını təklif edə biləcək insanları bir araya gətirməkdir.
28-30 iyun 2019-cu il tarixlərində keçirilәn Hakatonda yüzə qədər insanların iştirakı gözlәnilir.
Proqramda vətəndaş cəmiyyəti nümayəndələri, əlilliyi olan insanlar, texnologiya sahəsinin peşəkarları və yüksək motivasiyası olan gənclər və ümumilikdə həvəsli insanlar iştirak edә bilәrlәr.
İştirak etmək istəyənlər 23 iyun 2019-cu il 23:59-a qәdәr BMTİP-nin UNLIMITED səhifəsində qeydiyyatdan keçməli və bu ərizə formasını dolduraraq müraciət etməlidirlər: http://www.unlimited.az/apply
Qalib gələn ideya 5,000 Azərbaycan manatı məbləğində mükafat qrantı alacaq və mükafatdan sonrakı üç ay müddətində peşəkar təlimatçı yönləndirməsindən yararlanacaq.
Azərbaycanda əlilliyi olan insanların sayı 620,000 nəfər yaxud əhalinin təxminən 6%-i nisbətindədir. Onlar 1.3 milyon təqaüdçünün təxminən 30%-ni, eyni zamanda yetkinlik yaşına çatmayan və əlilliyə görə müavinət alanların 60%-ni təşkil edirlər.-0-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz