Bakı/17.06.19/Turan: Jurnalist Elçin Həsənzadə naməlum şəxslər tərəfindən hədələrə məruz qaldığını bildirir. O hesab edir ki, həmin şəxslər Mingəçevir Su Kanal İdarəsinin rəisi Maarif Məmmədovun adamlarıdır.
"Əvvəllər məhkum olunmuş Maarif Məmmədovun yüksək posta təyin edilməsilə bağlı məlumat yazdıqdan sonra mənə qarşı təzyiqlər başladı", - E.Həsənzadə deyib.
Ancaq maraqlıdır ki, E.Həsənzadə bildirir ki, təzyiqlər və hədələr məlumat dərc edildikdən iki ay sonra başlayıb.
"İyunun 15-də mobil telefonuma zəng edərək bəzi məsələləri aydınlaşdırmaq üçün görüşə çağırdılar və cəza ilə hədələdilər", - E.Həsənzadə deyib və həyatının təhlükədə olduğunu qeyd edib.
Öz növbəsində M.Məmmədov Turan ilə söhbətində deyib ki, sahibkar E.Həsənzadə təzyiq göstərilməsi üçün heç bir tədbirə əl atmayıb.
"O, ağlına gələni yazır, ancaq bu, həqiqəti əks etdirmir. Mən ancaq bunları deyə bilərəm", - M.Məmmədov vurğulayıb. -0-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz