![Bakıda piketə icazə verilmədi](https://turan.az/resized/media/2018/main/110600014556-750-500-resize.webp)
Bakıda piketə icazə verilmədi
Bakı/06.11.18/Turan: Bakı Şəhər İcra Hakimiyyəti (BŞİH) ATƏT-in Minsk Qrupuna daxil olan ölkələrin Azərbaycandakı səfirlikləri önündə aksiyaya icazə verməyib. Bu haqda piketin təşkilatçısı olan Qarabağ Komitəsinin bnoyabarın 6-da yaydığı məlumatda deyilir.
Məıumata görə, komitə iki həftə öncə noyabrın 8-də saat 11:00-da Fransanın, saat 12:00-da ABŞ-ın, saat 13:00-da isə Rusiyanın Azərbaycndakı səfrilikləri qarşısında aksiya keçirilməsi ilə bağlı qərar verib, BŞİH-ə xəbərdarlıq məktubu da göndərilmişdi.
Paytaxt meriyası noyabrın 6-da aksiyaya icazə verməməsini belə əsaslandırıb: "Fransa, ABŞ və Rusiya səfirlikləri Bakının nəqliyyatın intensiv hərəkət etdiyi ərazilərində yerləşir. Həmin ərazilərdə toplantıda iştirak etmək niyyəti olmayan vətəndaşların sərbəst hərəkətinin və nəqliyyat vasitələrinin iş ahənginin təmin edilməsində yaranacaq ciddi problemləri nəzərə alaraq, həmçinin Azərbaycan Respublikası "Sərbəst toplaşmaq azadlığı haqqında" qanunun 7-ci maddəsinin 1-ci maddəsinə uyğun olaraq, qeyd etdiyiniz yerlərdə piketin keçirilməsi məqsədəuyğun hesab edilmir".
Qarabağ Komitəsinin aksiyalar keçirməsində məqsədin Minsk Qrupu həmsədrlərini Dağlıq Qarabağ probleminin tənzimlənməsində daha aktiv fəaliyyətə dəvət etmək olduğu bildirilir.
BŞİH ötən həftə komitənin noyabr ayının sonuna təyin etdiyi mitinqə də "yox" cavabı vermişdi.
Komitə bundan əvvəl sentyabrın 29-da Bakıda "Qarabağa azadlıq" şüarı ilə mitinq keçirib. -05D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz