UNICEF-in Nyu Yorkdakı baş qərargahının Proqram bölməsi üzrə direktorunun müavini Dr. Kristian Salazar Volkman 2013-cü il 11-12 noyabrda Bakıda keçiriləcək Uşaqlıq Dövrünə məsul nazirlərin 4-cü İslam konfransında UNICEF-i təmsil edəcək.
İSESKO-nun dəvəti və İKT Baş Katibliyinin təşkilatçılığı ilə Azərbaycan prezidenti İlham Əliyev yüksək himayəsi altında Bakıda keçiriləcək Uşaqlıq Dövrünə məsul nazirlərin 4-cü İslam konfransının mövzusu “İslam dünyasında urbanizasiyadakı uşaqlar və çətinlikləri” olacaq.
Dr. Salazar uşaq müdafiəsi, təhsil və HIV-AIDS kimi texniki şöbələrə nəzarət edir və həssas kontekstlərdə humanitar fəaliyyət və proqramlaşdırmanın UNICEF-in qlobal texniki dəstəyi ilə təmin edilməsinə rəhbərlik edir. Bakıya səfəri zamanı o, həmçinin UNICEF-in Azərbaycandakı Nümayəndəliyinn tərəfdaşları ilə yüksək səviyyəli görüşlər keçirəcək. Eyni zamanda o, ən çox risk-qrupuna aid olan yeniyetmələr və HİV ilə bağlı UNICEF-in gördüyü işlərərə nəzər salmaq üçün Şirvan şəhərinə səfər edəcək.
Uşaqlıq Dövrünə məsul nazirlərin 4-cü İslam konfransının yaradılması İKT-nin 2003-cü ilin sentyabr ayında Kiçik Asiyadadakı sammitində qərara alınmışdı. Sammitin Bəyannaməsi “İslam Dünyasında Uşaqlara Qayğı və Müdafiə” haqqında qətnamənin vasitəsilə İKT və İSESKO-ya UNICEF-lə birlikdə uşaq məsələləri ilə bağlı ilk islam konfransının təşkil edilməsini tapşırıb. -0-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz