![Muğanbank yeni bank məhsulu tətbiq edib](https://turan.az/resized/./turan-750-500-resize.webp)
Muğanbank yeni bank məhsulu tətbiq edib
“Muğanbank” ASC müştərilərə Azərbaycan bank sektorunda yeni məhsul olan “Visa Gift” hədiyyə kartını təklif edir. Hədiyyə kartları layihəsi Muğanbank və VISA International beynəlxalq ödəniş sistemi tərəfindən birgə hazırlanmışdır. Kartların nominal məbləği 50, 100 və 150 AZN təşkil edir və kartı alan zaman ödənilir.
Qabaqcadan ödənilmiş (prepaid) “Visa Gift” hədiyyə kartları həm ölkə daxilində, həm də ölkədən kənarda mal və xidmətlərin haqqının nağdsız ödənilməsi üçün nəzərdə tutulub. “Visa Gift” hədiyyə kartı ilə, VISA kartlarının qəbul olunduğu istənilən yerdə, mağazalarda alış-veriş etmək, gözəllik salonlarının və fitnes mərkəzlərinin xidmətlərindən istifadə etmək, səyahət xərclərini ödəmək, təyyarə və qatar biletləri almaq, kafe və restoranlarda hesabları ödəmək, habelə, bütün növ kommunal ödənişləri həyata keçirmək mümkündür.
“Visa Gift” hədiyyə kartının sahibi kartdan, həmçinin, internet-mağazalarda mal almaq, onlayn oyunların abunə haqqını ödəmək, internet-hərraclarda iştirak etmək, musiqi, oyun və proqramların haqqını ödəmək, mobil rabitə, TV, internet və s. üçün ödəmələri həyata keçirmək üçün istifadə edə bilər. “Visa Gift” hədiyyə kartlarını alan zaman 5 AZN məbləğində komissiya haqqı ödənilir.
“Muğanbank” ASC-nin İdarə Heyəti sədrinin müavini Rasim İsmayılov: “Yeni “Visa Gift” kartları unikallığı ilə seçilir. Çünki, kartları almaq üçün banka yaxınlaşmağa və növbədə gözləməyə ehtiyac yoxdur. Həmçinin, bu kartları şəxsiyyət vəsiqəsini təqdim etmədən almaq mümkündür. Kartları “Muğanbank”ın filial və şöbələrindən, həmçinin, "Neptun", "Fresco", "Səbət" marketlərindən və digər pərakəndə satış nöqtələrindən əldə etmək mümkündür. “Visa Gift” kartına sahib olan hər kəs Muğanbankın istənilən filialına yaxınlaşıb pulsuz “Visa Gold” kartı ala bilər”. --15D--
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz