![Banklar rayon sakinlərinə kredit verməkdən imtina edirlər](https://turan.az/resized/media/2012/main/100900014083-750-500-resize.webp)
Banklar rayon sakinlərinə kredit verməkdən imtina edirlər
Biləsuvar rayon sakini İftixar Ağayev çərşənbə axşamı RATİ-də sahibkarlıq fəaliyyətinə maneələr olması haqda mətbuat konfransı keçirib.
Fiziki şəxs olaraq İ.Ağayev 2008-ci ildən fermer təsərrüfatı ilə məşğul olmaq üçün aidiyatı fondlara və banklara müraciət edir. Amma ona 50-60 min manat həcmində kredit verməkdən imtina edirlər. İ.Ağayev ötən bu müddət ərzində dəfələrlə Kənd Təsərrüfatı Nazirliyi, Sahibkarlığa Yardım Fondu, Kənd Təsərrüfatı Krediti üzrə Dövlət Agentliyinə müraciət etsə də, bu qurumlar vəd verməkdən o yana keçməyiblər. Banklara gəlincə, banklar İ.Ağayevə 2-3 il müddətinə güzəştli kredit verməkdən imtina edirlər. O qeyd edib ki, banklar girov tələb etsə də, təqdim olunan girovu götürməkdən də imtina edirlər. İ.Ağayevə görə, bankların bu imtinasına səbəb kənd evlərinin yüksək dəyərləndirilməməsi, götürülən kreditin qaytarıla bilməməsi qorxusudur. Ən yaxşı halda banklar krediti 36-43%-lə 1 il müddətinə təklif edirlər ki, bu müddət ərzində götürülən krediti qaytarmaq sadəcə mümkün deyil.
İ.Ağayev daha bir məsələyə toxunub. Belə ki, pambıq yığımı ilə bağlı Biləsuvar rayon pambıq qəbul məntəqəsi 1999-cu ildən ailəsinə köhnə Azərbaycan manatı ilə 8 milyon manat (yeni manatla təqribən 16 min manat) borcludur. Amma indiyə kimi həmin pulu ala bilməyib. 2004-cü ilə kimi bütün məhkəmə instansiyaları pulun qaytarılması haqda qərar versələr də, qərar indiyə kimi icra olunmayıb. Haqqı uğrunda mübarizə apardığına görə İ.Ağayev YAP sıralarından xaric edilib. 2003-cü ildə pay torpağı əlindən alınıb. Yalnız 2009-cu ildə torpaqlarını yenidən qaytara bilib. 6 il ərzində torpağından istifadə edə bilməməsi ərzində 23 min manatdan çox dəyən ziyan ödənilməyib.
İ.Ağayev başına gələnlərlə bağlı dövlət başçısı İlham Əliyevə və deputat Mehriban Əliyevaya müraciət ünvanlayıb. -05C-
-
- Siyasət
- 9 Oktyabr 2012 17:00
-
- Mədəniyyət
- 9 Oktyabr 2012 17:11
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz