![Baş Prokurorluq dərman və yumurtanın qiymətini süni artıranlara qarşı mübarizəyə başlayıb](https://turan.az/resized/media/2016/main/011200143181-750-500-resize.webp)
Baş Prokurorluq dərman və yumurtanın qiymətini süni artıranlara qarşı mübarizəyə başlayıb
Baş Prokurorluq dərman və toyuq yumurtasının qiymətinin süni artırılması faktı üzrə cinayət işinə başlayıb.
Yanvarın 12-də axşam Baş Prokurorluğun mətbuat xidməti bildirib ki, Baş Prokurorluq yanında Korrupsiyaya Qarşı Mübarizə Baş İdarəsinin apardığı təxirəsalınmaz əməliyyat-istintaq tədbirləri nəticəsində müəyyən edilib ki, “Alfa med” MMC-nin meneceri İbadulla Hüseynov dəfələrlə “Grateziano” dərman preparatını öz real qiymətindən çox artığına satıb.
Şirkətin anbarında aparılan axtarış zamanı gömrük bəyannaməsi olmayan xeyli dərman aşkarlanıb.
Eyni zamanda 48 adda dərman preparatının və tibbi ləvazimatın Tarif Şurasının təyin etdiyi qiymətdən baha satıldığı müəyyən edilib.
Toplanmış materiallar əsasında CM-in 308.1 (vəzifə səlahiyyətindən sui-istifadə) və 200.1 (istehlakçıların keyfiyyətsiz məhsulların istehsalı və ya satışı ilə aldadılması) maddələri ilə cinayət işi qaldırılıb.
“Alfa med” MMC-nin təsisçisi və faktiki rəhbəri Əfqan Xudaverdiyev, menecer İbadulla Hüseynov şübhəli şəxs qismində saxlanılıb.
Hazırda cinayətkar şəbəkənin digər üzvlərinin tapılıb məsuliyyətə cəlb edilməsi üçün əməliyyat-istintaq tədbirləri davam etdirilir.
Bundan əlavə, İqtisadiyyat və Sənaye Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidmətinin keçirdiyi monitorinq zamanı aşkar edilib ki, “Giləzi – Quşçuluq Şirkəti” MMC, “Hacıqabul Quşçuluq Şirkəti” MMC, “Astel LTD” MMC quşçuluq fabriklərinin vəzifəli şəxsləri öz səlahiyyətlərini aşaraq yumurtanın şişirdilmiş qiymətlərlə pərakəndə satışı ilə məşğul olublar.
Müvafiq materiallar Baş Prokurorluq yanında Korrupsiyaya Qarşı Mübarizə Baş İdarəsinə göndərilib. Toplanmış materiallar əsasında yanvarın 12-də CM-in 308.1 və 200.1 maddələri üzrə cinayət işi açılıb.
Hazırda günahkarların cinayət məsuliyyətinə cəlb edilməsi üçün əməliyyat-istintaq tədbirləri davam etdirilir.—06D--
-
- İqtisadiyyat
- 12 Yanvar 2016 18:27
-
- Cəmiyyət
- 13 Yanvar 2016 02:13
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz