Azərbaycanda dekabrın 23-də keçiriləcək bələdiyyə seçkilərində iştirak etmək üçün 1607 bələdiyyədən 1546 bələdiyyə üzrə 21 764 nəfər müraciət edib.
Mərkəzi Seçki Komissiyasının (MSK) Media və İctimaiyyətlə əlaqələr şöbəsinin müdiri Şahin Əsədli Turan-a bildirib ki, müraciət edənlərdən 17 463 nəfəri imza vərəqi alıb və artıq 5 837 nəfər imza vərəqələrini qaytarıb. İndiyədək 1 724 nəfərin namizədliyi qeydə alınıb.
Seçkilərdə namizədliyini irəli sürənlərdən 15 369 nəfəri kişi, 6 395 nəfəri isə qadındır. Müraciət edənlərin 17 601 nəfəri ali təhsillidir.
Müraciət edənlərin 13 488 nəfərinin namizədliyi siyasi partiyalar tərəfindən irəli sürülüb.
İlkin məlumatlara görə, indiyədək Yeni Azərbaycan, Ana Vətən, Vətəndaş Həmrəyliyi və Ümid partiyaları namizədlər irəli sürüb.
Azərbaycanda 118 dairədə (7 seçki dairəsi işğalda olduğu üçün seçkilər keçirilmir) keçiriləcək bələdiyyə seçkilərində 1 607 bələdiyyə üzrə 15 035 üzv seçiləcək.
Müraciətlər noyabrın 22-də başa çatacaq. -03B-
Cəmiyyət
-
Bu gün, yanvarın 6-da Azərbaycanda 23 gün sonra keçiriləcək bələdiyyə seçkiləri ilə əlaqədar seçkiqabağı təşviqata start verilir. İndiyə kimi 16 min 174 nəfərin namizədliyi qeydə alınıb. Bu barədə Mərkəzi Seçki Komissiyasının (MSK) sədri Məzahir Pənahov yanvarın 6-da seçkilərlə bağlı iclasda bildirib. Onlardan 8 min 429 nəfəri 23 siyasi partiyanı təmsil edir.
-
Dövlət Sərhəd Xidmətinin məlumatına görə, əməliyyat-axtarış tədbirləri zamanı Azərbaycana 700 qram tiryək, 13 mindən çox Preqabalin- 150 həbinin və 600 ədəd Metadon-40 həbinin keçirilməsi cəhdinin qarşısı alınıb. Bunun harada və nə vaxt baş verdiyi açıqlanmır.
-
Yanvarın 7-də paytaxtda gün ərzində yağıntı gözlənilmir. Axşam saatlarında bəzi yerlərdə yağış yağacağı gözlənilir. Şimal-şərq küləyi cənub-şərq küləyinə keçəcək.
-
Hazırda Çin, Qazaxıstan və Rusiyada metapnevmovirus - kəskin respirator virus infeksiyaları üzrə qeyri-stabil epidemioloji vəziyyət müşahidə olunur. Onun sinmptomlrı öskürək, burun tutulması, burun axması, hərarətin yüksəlməsi, nəfəs darlığı, səsin boğulmasıdır.
Rəy yaz