2014-cü ilin on ayında Azərbaycanda elektron pərakəndə ticarət dövriyyəsinin həcmi ötən ilin yanvar-oktyabr aylarına nisbətən 2,5 dəfə artaraq 5,1 milyon manat təşkil edib.
Dövlət Statistika Komitəsinin məlumatına görə, əhali onlayn rejimində sifariş verdikləri istehlak mallarının 91,6 faizini hüquqi şəxslərin, 8,4 faizini fərdi sahibkarların ticarət şəbəkələrindən alıb. Elektron ticarət dövriyyəsinin 95,0 faizini qeyri-ərzaq malları təşkil edib.
Statistika Komitəsi bildirir ki, 2014-cü ilin yanvar-oktyabr aylarında istehlak məqsədilə pərakəndə ticarət subyektlərində istehlakçılara 17,5 milyard manatlıq əmtəə satılıb.
Xatırladaq ki, elektron ticarət pərakəndə satışın cəmi 0,029 faizini təşkil edir.
Müşahidəçilərin fikrincə, elektron ticarətin həcmi ilə elektron xidmətləri prioritet elan etmiş Azərbaycan hökumətinin siyasəti ilə tərs mütənasibdir. Hökumət hələ də istehlakçıları elektron ticarətin etibarlılığına inandıra bilməyib və ya satış məntəqələri elektron ticarətin inkişafında maraqlı deyil. -03B-
İqtisadiyyat
-
2024-cü il arxada qalıb. Azərbaycan özünü bir yolayrıcında tapır — dünya iqtisadiyyatının bəzi sektorlarında əhəmiyyətli yer tutaraq, lakin daha geniş sosial-iqtisadi inkişafına mane olan problemlərlə mübarizəni davam etdirir. Enerji daşıyıcılarının ixracından logistik dəhlizlərə qədər ölkə öz nişini tapıb, lakin sosial-iqtisadi strukturundakı çatlar getdikcə daha çətin nəzərdən qaçırılır. Gəlin rəqəmlərə nəzər salaq və ekspertlərin Azərbaycanın qlobal mövqeyi barədə fikirlərinə qulaq asaq.
-
Azərbaycan yeni ilə qaz, elektrik enerjisi, su və dərman tariflərinin əhəmiyyətli dərəcədə artması ilə başladı, bu da vətəndaşlar arasında ev təsərrüfatlarına maliyyə yükü ilə bağlı geniş narahatlıq yaratdı. Rəsmilər bu tədbirləri iqtisadi dayanıqlılıq üçün zəruri hesab etsələr də, tənqidçilər durğun əməkhaqqı və pensiyalarla bağlı problemlər barədə xəbərdarlıq edirlər.
-
1 yanvar tarixindən etibarən Avropa Rus qazının Ukrayna vasitəsilə müqavilə əsasında nəqlini dayandırıb. Kiyev, “təcavüzkar ölkənin” qazının öz ərazisindən keçidi ilə bağlı müqavilələri uzatmayacağını bəyan etdi. Bu qərar, Ukraynada müharibədən əvvəl qitənin qaz idxalının təxminən 50%-ni təşkil edən Rusiya enerjisindən asılılığını azaltmaqda Avropanın səyləri üçün mühüm bir mərhələni ifadə edir.
-
Tarif Şurası qeydiyyata alınmış dərman vasitələrinin topdan və pərakəndə satış üzrə maksimum qiymətlərinin tənzimlənməsinə dair qərar qəbul edib. Yeni qiymət məhdudiyyətləri 2 yanvar 2025-ci ildən qüvvəyə minir.
Rəy yaz