![“Belorusskaya korova” yağı saxtadır](https://turan.az/resized/media/2020/main/011600024317-750-500-resize.webp)
“Belorusskaya korova” yağı saxtadır
Bakı/16.01.20/Turan: Qida Təhlükəsizliyi Agentliyinin mütəxəssisləri reyd zamanı “Bizim market” supermarketində “Belorusskaya korova” ticarət markası ilə satılan saxta kərə yağı aşkar ediblər.
Qablaşdırmanın üzərindəki ştrix kod “Foodini” MMC tərəfindən idxal edilən “Belaya korova" əmtəə nişanlı kərə yağına aid olub.
“Belorusskaya korova” adı ilə satılan yağın markalanmasında istehsalçısının “Luninec” ASC olduğu qeyd edilib. Lakin bu müəssisə bildirib ki, bu adda yağ istehsal etmir.
Laborator araşdırmalar müəyyən edib ki, bu yağın tərkibi kərə yağı üçün normativ tələblərə cavab vermir.
“Bizim market” ticarət şəbəkəsinin 14 filialından 12 ton 575 kq. blə məhsul götürülüb.06D-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz