Bakı/16.01.20/Turan: Yanvarın 16-da Azərbaycan Mərkəzi Seçki Komissiyası (MSK) 23 dekabr 2019-cu il bələdiyyə seçkilərinin nəticələrini rəsmi olaraq elan edib.
1606 bələdiyyədə 15 min 156 yer üzrə seçkilər keçirilib. Həmin yerlər uğrunda 13 partiyanın nümayəndələri daxil olmaqla, 41 462 namizəd mübarizə aparıb.
1597 bələdiyyədə seçkilər etibarlı sayılıb.
Yoxlamaların nəticələrinə əsasən 9 bələdiyyədə aşkar edilmiş pozuntulara görə seçkinin nəticələri ləğv edilib.
Bundan əlavə, 39 seçki məntəqəsində səsvermənin nəticələri ləğv edilib, 12 məntəqə seçki komissiyası buraxılıb.
MSK yeni seçilmiş bələdiyyə şuralarının partiya tərkibini açıqlamayıb.
Ancaq seçki günü axşam hakim Yeni Azərbaycan Partiyasının icra katibi Əli Əhmədov bildirib ki, partiyanın namizədləri ölkə boyunca səs çoxluğunu qazanıblar.
Aparıcı müxalifət qüvvələri seçkidə iştirakdan imtina ediblər.
Yerli müşahidəçilərin rəylərinə görə, seçkilər real rəqabət olmadığı şəraitdə keçirilib. Bələdiyyə şuralarına yalnız bir neçə ictimai fəal seçilib. -21В06-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz