Noyabrın 24-də günorta saatlarında KANAL 13 internet televiziyasının əməkdaşı Teymur Kərimov Bərdə rayonunda məcburi köçkünlərin yaşadığı şəhərcikdə su problemi ilə bağlı çəkiliş apararkən saxlanılıb. Bu barədə Turan-a sözügedən internet televiziyasından bildiriblər.
Saytın məlumatına görə, Teymur Kərimov reportaj hazırlayarkən öyrədilmiş şəxslər qarışıqlıq salıb və jurnalist polislər tərəfindən saxlanılıb.
Teymur Kərimov Turan-a müsahibəsində bildirib ki, Bərdə rayonunda reportaj hazırlayarkən əvvəlcədən öyrədilmiş Adil adlı şəxs jurnalisti təhqir edərək onu itələyib.
“Sonra məni polis şöbəsinə gətirdilər. Adil adlı şəxs polisdə məni yenə söydü, guya mən onu vurmuşam. Həmin ərazinin Mənzil Kommunal Təsərrüffat Birliyinin rəhbəri, qaçqınlar idarəsinin nümayəndəsi şahid durdular və mənə qarşı döymə maddəsi ilə saxta cinayət işi açdılar. İzahatımı aldılar və bütün çəkdiyim materialları videokameramın yaddaşından sildilər, yaddaş kartımı götürdülər. İzahatımda da yazdım ki, bunlar mənim jurnalist fəaliyyətimə qarşı yönəlib, təhqir olunmuşam, mənə qarşı zor tətbiq ediblər”, deyə Teymur Kərimov facebook səhifəsində yazıb.
Jurnalist gündüz saat 15 radələrindən saat 23.30-dək polis şöbəsində saxlanıldığını bildirir.
Bərdə rayon Polis Şöbəsinin növbətçi hissəsindən Turan-a bildiriblər ki, noyabrın 24-də hər iki şəxs saxlanılıb və qısa zamanda da azad buraxılıb.
“Jurnalistə qarşı təhqirdən, fiziki güc işlətməkdən söhbət gedə bilməz. O, qanunvericiliyə uyğun olaraq polis şöbəsinə gətirilib və izahatı alınaraq azad buraxılıb”, deyə növbətçi qeyd edib.
Bununla yanaşı, növbətçi hissədə jurnalistə qarşı cinayət işinin qaldırılıb-qaldırılmamasına aydınlıq gətirilməyib.
KANAL 13 internet TV 2008-ci ilin 10 oktyabrından yayımlanır.
İnternet televiziyası www.KANAL13.tv saytında hər gün verilişlər və xəbərlər proqramı yayır. -03B-
Cəmiyyət
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
Rəy yaz