Mərkəzi Dəmiryolu Stansiyası hazırda təmirdədir və dekabrın 24-də yeni mərkəzi stansiya qapılarını sərnişinlərə açacaq. “Azərbaycan Dəmir Yolları” QSC-nin sədri Cavid Qurbanov Azərbaycanda Amerika Ticarət Palatasında (AmCham) görüş zamanı bildirib.
Cavid Qurbanov “AmCham”ın bütün üzvlərinə və tədbirə qatılmış ABŞ, İsveçrə, Fransa və Meksikanın Azərbaycandakı səfirlərinə bildirib ki, ADY Bakı-Pirşağı-Sumqayıt istiqamətində 29,2 km uzunluğunda dairəvi dəmir yolunun tikintisinə başlayacaq.
«Yerləşməmiz bizə loqistika imkanlarımızı dəstəkləməyi və onları inkişaf etdirməyi tələb edir. Son illərdə 6 hava limanı və 12 min km yol tikilib. Son iki ildə Azərbaycan Dəmir Yolları sistemində islahat aparılır» deyə C.Qurbanov bildirib.
ADY rəhbəri deyib ki, noyabr ayının sonundan Naxçıvan-Məşəd marşrutu üzrə sərnişin qatarları istismara veriləcək. Sözügedən marşrut iki ölkə arasında turizm əlaqələrinin davamlı inkişafına dəstək olacaq.
Şimal-Cənub nəqliyyat dəhlizinin tərkib hissəsi olaraq Azərbaycan və İran sərhəddində Astaraçay üzərində dəmiryolu körpüsünün inşası bu ilin dekabr ayında yekunlaşacaq. Cavid Qurbanov deyib ki, dəmiryolunun Astara stansiyasından İran sərhədində körpüyədək olan 8,3 km hissəsi artıq hazırdır və sınaqdan keçirilib. Şimal-Cənub nəqliyyat dəhlizi Şimali Avropa ilə Cənub-Şərqi Asiyanı birləşdirməyi nəzərdə tutur. 08D
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz