Berti Foqts Azərbaycanın futbol üzrə milli komandasının baş məşqçisi postundan gedib. Bu barədə ötən gün o, Sürixdə AFFA-nın prezidenti Rövnəq Abdullayevlə görüşündə bildirib. Görüşdə assosiasiyanın baş katibi Elxan Məmmədov və vitse-prezident Elşad Nəsirov da iştirak ediblər.
Foqts öz istefasının səbəblərini belə izah edib ki, “oyunçuların yetərincə fiziki hazırlığının olmaması səbəbindən işi davam etdirmək mümkün deyil”.
R.Abdullayev qeyd edib ki, Foqtsın baş məşqçiliyi dövründə yığma müəyyən irəliləyiş əldə edib, seçmə turnirlərdə rekord sayda xal toplayıb, FİFA reytinqində 73-cü yerə qalxıb.
Foqtsa təklif olunub ki, komanda ilə işi davam etdirsin, lakin alman mütəxəssis imtina edib.
Foqts 2008-ci ilin martından Azərbaycan yığmasına rəhbərlik edib.
İstefa Avro-2016 seçmə mərhələsindəki uğursuqluqdan sonra baş verib.
Azərbaycan yığması öz meydançasında Bolqarıstana 1:2 hesabı ilə uduzub.Həmin hesabla Palermoda İtaliyaya uduzub. Xorvatiyada isə 0:6 hesabı ilə məğlubiyyətə uğrayıb.—06D-
Cəmiyyət
-
Ölkədə qış mövsümündə havaların soyuq keçməsi ilə əlaqədar mövsümi xarakter daşıyan respirator virus infeksiyalarına yoluxma hallarının artması müşahidə olunur. Bununla əlaqədar adaptasiya dövründə olan gənc əsgərlərin sağlamlığının qorunması məqsədilə hərbi hissələrdə onlarla görüşə müvəqqəti məhdudiyyət qoyulub. Bu barədə Müdafiə Nazirliyi məlumat yayıb.
-
Yanvarın 17-də Bakıda hava tutqun olacaq, səhər və axşam yağıntı gözlənilir. Şimal-qərb küləyi cənub-şərq küləyinə keçəcək.
-
Yanvarın 15-də Azərbaycan Xalq Cəbhəsi Partiyasının (AXCP) Ordubad rayon və Lənkərna rayon şöbələrinin iki fəalı polis tərəfindən saxlanılıb.
-
Lider mobil operatorun elan etdiyi sosial layihə müsabiqəsində qalib gələn "Alternativ” Kommunikasiya və Tədqiqatlar İctimai Birliyi “FarmHer” proqramını həyata keçirir
Rəy yaz