Sığorta bazarında konsentrasiya davam edir, - deyə Sığortaçılar Assosiasiyasının rəhbəri Orxan Bayramov Turan-a bildirib.
Beş sığorta şirkəti 314,1 mln manat – mükafatların 50,2%-i yığıb.
Bazarda 28 iştirakçı var. Mükafat həcminə görə Paşayevlərin 2 şirkəti liderdir. «PashaSığorta» 37,5 mln manat, «PashaHаyatSığorta» 31,7 mln manat toplayıb. «Azərsığorta» dövlət şirkəti 30,9 mln manat, «Atəşgah Həyat Sığorta» 30,2 mln manat və «AzSığorta» 27,4 mln manat toplayıb. 1 oktyabr üçün 11 şirkətin mükafatları artıb, 17-də azalıb.
ASA rəhbəri deyib ki, ödənişlərdə «Atəşgah Həyat Sığorta» liderdir - 20,7 mln manat. Ödəniş üzrə aparıcı beşliyə «PashaSığorta» (20 mln), «Atəşgah» (10,2 mln manat), «Azərsığorta» (9,9 mln manat) və AXA-Mbask (7,5 mln) daxildir. Ödənişlərin 59%-i 5 şirkətin payına düşüb», - deyə o, əlavə edib. --17D
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz