Bəxtiyar Hacıyev
Bakı/17.02.22/Turan: İctimai fəal Bəxtiyar Hacıyev 40 gündür aclığı davam etdirir. O, dünəndən sudan imtina edib və quru aclığa keçib, bu barədə Turan-a fevralın 17-də Penitensiar Xidmətin Müalicə Müəssisəsində ona baş çəkən vəkil Elçin Sadıqov bildirib.
Onun sözlərinə görə, Hacıyev həddindən artıq çəki itirib və bu gün çəkisi 66,7 kq-dır. O, gəzməkdə çətinlik çəkir və hazırda yataqdadır. Otağında daim Müalicə Müəssisəsinin əməkdaşı növbə çəkir ki, təcili hallarda tibbi yardım çağırsın.
"Bəxtiyar Hacıyev kritik vəziyyətdədir, onun həyatı təhlükədədir", deyən vəkil əlavə edib ki, israrlara baxmayaraq, fəal aclığı dayandırmaqdan imtina edib.
Öz növbəsində, həkim-professor Adil Qeybulla Hacıyevin quru aclıq etməsini həddindən artıq təhlükəli hesab edir.
"Bəxtiyar həqiqətən də quru aclıq edirsə, bu, onun sağlamlığı üçün həddindən artıq təhlükəlidir", deyə Qeybulla bildirib. Bir insan susuz və yeməksiz maksimum iki həftə dayana bilər, çünki qan qatılaşır və böyrəklərin funksiyası pozulur. Amma Bəxtiyar Hacıyevin artıq uzun müddətdir aclıq etdiyini nəzərə alaraq, onun limiti xeyli azdır. Buna görə quru aclıq orqanizmdə dönməz patoloji dəyişikliklərə səbəb ola bilər", deyə Qeybulla qeyd edib. В06
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz