Beynəlxalq qurumlar uşaq hüquqlarının müdafiəsilə bağlı tədbirlərə start verirlər

Uşaq hüquqlarının müdafiəsilə bağlı BMT-nin Uşaq Fondu (UNİCEF) və “28 Cinema” birgə tədbirlərə başlayırlar. Bu haqda açqılamanı UNİCEF yayıb.

Qurumlar bu əməkdaşlığı beynəlxalq uşaq günündə uşaq hüquqları və uşaqlara qarşı zorakılıq haqqında danışmağın vacibliyi ilə əlaqələndirirlər. Tərəfdaşlığın tərkib hissəsi olan filmlərin nümayişindən öncə zorakılıqdan əlilliyə kimi müxtəlif mövzular barədə UNICEF-in hazırladığı sosial çarxların təqdim olunması nəzərdə tutulur. Foyedə uşaq hüquqlarına və UNICEF-in ölkədəki fəaliyyətinə həsr edilən fotosərgi nümayiş olunması, filmlərlə bağlı bilet satılan yerlərdə UNICEF-in məlumat materiallarının paylanması gözlənilir.

“UNICEF uşaqlara yardım məqsədilə korporativ sektorun gücünü səfərbər edən birliklər yaratmaq üçün bütün dünyada milli korporasiya və yerli şirkətlərlə sıx əməkdaşlıq edir. Biz “28 Cinema”nın uşaq hüquqlarının reallaşdığı parlaq bir gələcək yolunda bizimlə uzunmüddətli tərəfdaşı olacağına ümid edirik”, deyə UNICEF-in Azərbaycandakı təmsilçisi Mark Hereward bildirib. 

““28 Cinema” bu il UNİCEF-lə ilk dəfədir ki, tərəfdaşlıq edir, çünki biz uşaqların səslərini duyurmaq haqqı tanımağın önəmli olduğuna inanırıq. Kinoteatrımızın UNICEF-in dəstəklədiyi vacib məsələlərlə bağlı önəmli mesajlar yayan mükəmməl bir platforma olacağından əminik. Bütün bunlar bizim sosial cavabdehlik missiyamıza olduqca uyğundur”, deyə “28 Cinema”nın direktoru Elnarə Rəhimova bildirib.

“28 Cinema” Azərbaycanın premium kinoteatrıdır. Kinoteatrda proqramı maksimum şəkildə rəngarəng etmək imkanı verən 6 kino zalı yerləşir. Kinoteatrda ən müasir texnologiyaya əsaslanan yeni nəsil Barco rəqəmsal proyektorları quraşdırılıb. Bu texnologiya ekranda yüksək keyfiyyətli ultra güclü görüntü və təkmilləşdirilmiş görüntü parlaqlığı təmin edir. Bununla yanaşı, yeni Xpan-D2D sistemi ilk dəfədir ki, Azərbaycanda tətbiq edilir. Xpan-D3D hal-hazırda bütün dünyanın kinoteatr bazarında 3D texnologiyaları sahəsində liderdir. Bu sistem maye kristal displeyli (LCD) okulyarlardan ibarət xüsusi şüşələrə malikdir. “28 Cinema” kinoteatrında istifadə olunan aktiv növ şüşələr tamaşaçılara mümkün olan ən parlaq görüntü bəxş edir.

   Uşaqlar əleyhinə zorakılıq birgə tərəfdaşlığın ilk mövzusudur. UNICEF-in Xoşməramlı Səfiri Liam Neeson-un səsləndirdiyi və tamaşaçını gözlə görünməyən silsilə zorakılıq səhnələri ilə dolu bir gəzintiyə çıxaracaq təsirli videoçarxların iyun ayı boyunca kinoteatrda nümayiş etdirilməsi qərara alınıb. UNICEF-in uşaq hüquqlarına həsr olunmuş fotosərgisi isə iyunun 10 kinoteatrın foyesində tamaşaçılara təqdim olunacaq.

Uşaqların müdafiəsi UNICEF mandatının mərkəzində duran məsələdir. BMT-nin Uşaq Hüquqları haqqında Konvensiyasında dünyanın hər yerində bütün uşaqların zorakılığın bütün formalarından qorunmaq hüququna malik olduğu bildirilir. -05D-