Binə qəsəbəsində “Azərsu” Açıq Səhmdar Cəmiyyətinin Xəzər Su Kanal İdarəsi magistral su kəmərinə qanunsuz qoşulmanın qarşısını alıb.
Bakı/16.08.22/Turan: Binə qəsəbəsində “Azərsu” Açıq Səhmdar Cəmiyyətinin Xəzər Su Kanal İdarəsi magistral su kəmərinə qanunsuz qoşulmanın qarşısını alıb.
Vətəndaş N. özbaşınalıq edərək, gecə saatlarında öz sahəsinə 159 millimetr diametrlik polietilen su borusu çəkib.
Magistral su kəmərinə müdaxilə nəticəsində ərazidə yerləşən islah müəssisəsi, beşmərtəbəli yaşayış binaları və fərdi yaşayış binaları susuz qalıb.
Məlumat daxil olandan sonra “Azərsu” Açıq Səhmdar Cəmiyyəti Xəzər Su Kanal İdarəsi rayon icra hakimiyyətinə və hüquq-mühafizə orqanlarına məlumat verib. Araşdırma zamanı məlum olub ki, vətəndaşın bu ərazidə fərdi yaşayış evinin tikintisi üçün sənədləri yoxdur, yəni tikinti işləri qanunsuz aparılır.
“Azərsu” Açıq Səhmdar Cəmiyyətinin briqada və texnikası, hüquq-mühafizə orqanları əməkdaşlarının köməyilə söküntü işləri aparılıb və istehlakçılara suyun verilməsi bərpa edilib.
“Azərsu” Açıq Səhmdar Cəmiyyəti bu faktın araşdırılması üçün hüquq-mühafizə orqanlarına müraciət edib.
“Azərsu” xatırladır ki, magistral su kəmərlərinə qanunsuz müdaxilələr göstərilən xidmətlərin səviyyəsinə mənfi təsir göstərərək, hidravlik rejimləri və istehlakçıların içməli su təchizatının dayanıqlığını pozur, su itkilərini artırır, əhaliyə verilən içməli suyun təhlükəsizliyinə ciddi təhdid yaradır. Eyni zamanda, belə hallar dövlət əmlakına ziyan vurmaq kimi qiymətləndirilir. –0—
Cəmiyyət
-
Sentyabrın 15-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin səhər bəzi şəhərətrafı ərazilərdə qısamüddətli yağış yağacağı ehtimalı var. Mülayim şimal-şərq küləyi əsəcək. Havanın temperaturu gecə müsbət 19+22, gündüz müsbət 26+29 dərəcə olacaq, Milli Hidrometeorologiya Xidməti bildirib.
-
2024-cü ilin ilk yeddi ayında Azərbaycan narkotik maddə asılılığına, narkotik və psixotrop maddələrin qanunsuz dövriyyəsinə qarşı mübarizəni gücləndirdi və Dövlət Narkomaniya və Narkotik Vasitələrin Qanunsuz Dövriyyəsinə Qarşı Mübarizə Komissiyasının daimi işçi qrupu tərəfindən bu sahədə əhəmiyyətli nəticələr əldə olunduğu bildirildi. Komissiya tərəfindən aparılan geniş təhlillər ölkənin narkotik maddələrə qarşı mübarizəsində həm uğurlar, həm də davam edən problemləri üzə çıxardı.
-
Tanınmış ictimai xadim, Müharibə, Əmək və Silahlı Qüvvələr Veteranları Təşkilatının sədri Fatma Hüseyn qızı Səttarova 102 yaşında vəfat edib.
-
2024-cü ilin ilk yeddi ayında Azərbaycanda cinayətkarlığın kəskin azalması qeydə alınıb və bu, ölkənin ictimai təhlükəsizliyi artırmaq və hüquq-mühafizə orqanlarının səmərəliliyini yüksəltmək istiqamətindəki səylərinin əhəmiyyətli bir nailiyyəti hesab olunur. Daxili İşlər Nazirliyinin məlumatına görə, 2024-cü ilin yanvar-iyul aylarında 18,518 cinayət qeydə alınıb ki, bu da 2023-cü ilin eyni dövrü ilə müqayisədə 21,7% azdır.
Rəy yaz