Bu həftə Bayıl yamacından köçürülmüş ailələrin taleyi həll olunacaq
Bakı/06.01.18/Turan: Bayılda təhlükəli sürüşmə zonasında şəxsi evlərdən köçürülmüş 103 ailənin taleyi bu həftə alimlərin ekspert rəyi alındıqdan sonra həll olunacaq, bu barədə Turan-a Səbail Rayon İcra Hakimiyyətinin Siyasi və Humanitar Şöbəsinin direktor müavini İsrafil Kərimov bildirib.
Bayıl yamacında baş verən geoloji proseslər AMEA-nın Geologiya İnstitutunun alimləri, Seysmologiya Xidmətinin ekspertləri və Yaponiyadan dəvət edilmiş bir alim tərəfindən tədqiq edilir. Bu həftə onlar öz qərarlarını verəcəklər, onun əsasında rayon İH bu evlərin sakinlərinin taleyini müəyyən edəcək, deyə o əlavə edib.
Səbail Rayon İH-də bu insanlarla müntəzəm olaraq görüşlər keçirilir, onlar rayon İH-nin 4931055 nömrəli qaynar xəttinə zəng edərək məlumat əldə edə bilərlər.
Kərimov ekspertlərin bu ərazidə insanların yaşamasını qeyri-mümkün hesab edəcəyi təqdirdə hansı qərarın qəbul ediləcəyini bilmir. "Qərar tədqiqatın yekunlarına əsasən qəbul ediləcək, hazırda köçürüləcəkləri halda onların harada yaşayacaqları barədə suala cavab vermək mümkün deyil", deyə o bildirib.
Sürüşmə ötən ilin sonlarında başlayıb. Dekabrın 29-da Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin geoloji planlaşdırma ekspedisiya dəstəsinin rəisi Rafiq Həsənov bildirib ki, Bayıl qəsəbəsi istiqamətindəki yamac tikinti işlərinin aparılması məqsədilə şaquli şəkildə kəsilib, bu da onun möhkəmliyini itirməsinə səbəb olub: "Bu səbəbdən həmçinin düşən atmosfer yağıntıları nəticəsində yamacda sürüşmə prosesi başlayıb, müxtəlif ölçülü çatlar əmələ gəlib". Sürüşmə ərazisi Teleqüllədən 250-300 metr məsafədə, cənub-şərq istiqamətində yerləşir.
Sonuncu dəfə Bayılda sürüşmə 2011-ci ilin avqustunda, ilk dəfə isə 1870-ci ildə baş verib. 2017-ci ilə qədər Bayıl ərazisində 10 dəfə sürüşmə baş verib. -0-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz