Bakı/02.05.18/Turan: Azərbaycan Xalq Cəbhəsi Partiyası (AXCP) Şəki rayon təşkilatının Gənclər Komitəsinin sədri Samir Həsənov mayın 2-də günorta saatlarından sonra rayon polis şöbəsindən sərbəst buraxılıb. Bu barədə AXCP İdarə Heyətinin üzvü İlham Hüseyn bildirib.
İ.Hüseyn deyib ki, hələlik S.Həsənov özü saxlanması barədə konkret açıqlama verməyib: "Amma burada dərindən düşünməyə elə bir ehtiyac da yoxdur, ya hansısa tənqidi statusa görə, ya hansısa mövqeyə görə saxlanıla bilər, nəticəsi də ya "söyüş söyürdü", ya da "polisə müqavimət göstərdi" ola bilər".
Xatırladaq ki, AXCP Şəki rayon şöbəsi Gənclər Komitəsinin sədri Samir Həsənov aprelin 30-da günorta saatlarından sonra saxlanılraq Şəki rayon polis şöbəsinə aparılıb. AXCP Şəki rayon təşkilatının sədri İlham Həsənov polisə gedərək saxlanmanın səbəbini öyrənmək istəsə də hər hansı bilgi verilməyib.--0--
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz