![Cəzaçəkmə yerlərində vəziyyət yaxşı deyil](https://turan.az/resized/media/2015/main/122500141566-750-500-resize.webp)
Cəzaçəkmə yerlərində vəziyyət yaxşı deyil
“Siyasi Məhbuslarsız Azərbaycan” İctimai Alyansı “Cəzaçəkmə yerlərində hazırki vəziyyət, siyasi məhbusların problemləri və qarşıdakı vəzifələr” haqda araşdırma-hesabatı təqdim edib.
36 səhifəlik hesabat keçmiş məhbusların sübutları əsasında hazırlanıb. Bura siyasi məhbuslar, onların ailə üzvləri, məhkəmələrin monitorinqləri və çıxarılan hökmlər daxildir. Penitensiar Xidmət hesabatı hazırlayanları cəzaçəkmə yerlərinə buraxmayıb.
Sənəddə qeyd olunur ki, 2012-ci il mayın 22-də qəbul edilən “Cəzaçəkmə yerlərində saxlanılan şəxslərin hüquq və azadlıqlarının təminatı haqqında” qanunla həbsdə olanlara və mühakimə edilənlərə bəzi hüquqlar verilib. Məhbusların müasir ixtisaslaşdırılmış avtomobillərdə daşınması yaxşılaşdırılıb. Dustaqlara dini ibadət etməyə icazə verilib.
Mənfi tərəflərə gəlincə, penitensiar müəssisələrin əksəriyyəti hələ sovet dönəmində tikilib. Bu sistemdə qanunlar tam gücü ilə işləmir, korrupsiya çiçəklənir, işgəncələr tətbiq edilir.
Saxlanma şəraiti pisdir. 4 nəfər üçün nəzərdə tutulan təcridxanada 6,8 hətta 10 nəfər saxlanılır.
Bəzi koloniyalarda 30 kv. metr sahədə 20-dək adam saxlanılır. Tualetlər, əl-üz yuyanlar yararsız vəziyyətdədir. Qışda isti su yoxdur. Belə durum xəstəliklərə yol açır.
Məhbuslara verilən yeməklər yaxşı deyil və onlar evdən gələn ərzaqla qidalanmalı olurlar.
Görüşlərə, telefon danışmalarına rüşvətlə icazə verilir. Koloniyalarda uzun görüşə, hamama görə pul vermək lazımdır. Pul verməsən karserə düşərsən.
Kameralar və baraklar qızdırılmır. Qışda havanın temperaturu 18 dərəcədən aşağı olanda məhbuslar iki adyalla yatmağa məcbur olur.
Polis müəssisələrində də problemlər var. Belə ki, müxalifətçi Fərəc Kərimlini doğmalarını xəbərdar etmədən 10 gün polisdə saxlayıblar.
2014-cü il avqustun 2-də AXCP fəalı Ruslan Nəsirlinin atasını saxlayıblar və oğlu təslim olduqdan sonra atanı buraxıblar.
Hesabatda məhkəmələrin qeyri-obyektivliyinə, vəkillərə təzyiqlərin olmasına toxunulur. Belə ki, Leyla Yunusu və digər siyasi məhbusları müdafiə edən Xalid Bağırov Vəkillər Kollegiyasından xaric edilib.
İşgəncələr də ciddi problem olaraq qalır. Bir il öncə 14 saylı koloniyada Elşad Babayev işgəncələrdən ölüb.
Hüquq müdafiəçisi Leyla Yunus da dəfələrlə Bakı istintaq təcridxanasında fiziki zorakılığa məruz qalıb.
AXCP fəalları Elvin Abdullayev və Murad Adilov işgəncələrə məruz qalıblar.
Hesabatda insan hüquqlarının pozulması faktlarına görə penitensiar sistem, prokurorluq, məhkəmə-tibbi ekspertiza əməkdaşlarının və hakimlərin adları daxil olan “qara siyahı” yer alıb.
Sonra qeyd olunur ki, son vaxtlar 20-dən çox yeni siyasi məhbus həbs edilib və onların ümumi sayı 90 nəfərdən çoxdur.
Hesabatda bu problemlərin aradan qaldırılması, məhbusların hüquq və azadlıqlarının təmin edilməsi üzrə tövsiyələr irəli sürülür.
“Siyasi Məhbuslarsız Azərbaycan” İctimai Alyansı 2012-ci ildə bir qrup keçmiş siyasi məhbus tərəfindən yaradılıb. Quruma hüquq müdafiəçisi Oqtay Gülalıyev rəhbərlik edir.—06D--
-
- İqtisadiyyat
- 25 Dekabr 2015 13:56
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz