![Boyat çörək](https://turan.az/resized/media/2023/main/041800061082-750-500-resize.webp)
Boyat çörək
Çörək artıq qalır, boyatlaşır və mağazalarda ucuz satılır...
Astara şəhərində kənd təsərrüfatı məhsulları satan mağazalardan birində çörək üst-üstə qalanmışdı. Mağaza sahibi deyirdi ki, vaxtı keçmiş çörəkdir. Onun söyləməsinə görə, boyat olmalarına baxmayaraq, çörəyi gətirib ona veriblər ki, satsın: "Beş-altı ədədini 1 manata veririk. Bakıdan gətirirlər, zavod çörəyidir". (belə çörəklərin bir ədədinin qiyməti əslində 55-65 qəpik arasında dəyişir).
Satıcı əlavə bilgi vermir.
Amma Astara şəhər sakinlərindən Novruz Feyziyev bunu israfçılıq adlandırır: "Mal-qaraya, ev quşlarına verirlər. Belə iş olar? O qədər çörək bişirmək lazımdır ki, yeyilsin. Hələ anbarda bundan iki dəfə çox vaxtı keçmiş çörək var".
Onun sözlərinə görə, indi hicri təqvimində Ramazan ayıdır, əhalinin çoxu oruc tutur, çörək ona görə qalır: "Oruc tutanlar düyüdən daha çox istifadə edirlər. Ucqar kəndlərdə isə çörəyi təndirdə bişirirlər. Digər tərəfdən, yazdır, bu vaxtlar çörəyə ehtiyac da azalır".
Astara şəhərində çörək sexlərindən birinin sahibi isə deyir ki, müəssisələr belə halları nəzərə almalıdırlar: "Belə israfçılıq iri çörəkbişirmə sexlərində baş verir".
Oruc tutan şəhər sakini Akif Məmmədovun deməsinə görə, çörəkdən az istifadə edir: "İftarda plovun olmasına üstünlük veririk, çünki adamı saxlayır. Çörək saxlamır. Amma çörəyin israfçılığı düzgün deyil. Deyirlər ki, çörək bol olarsa, basılmaz vətən. Amma o bolluğun da həddi var. Peyğəmbərimiz israfçılığa qarşı olub. Çörəyi atarlar?! Çörəyə möhtac olanlar çoxdur".
İctimai fəal Asən Həşimli isə tezliklə israfçılığın qarşısının alınmasını vacib sayır: "Taxıl strateji məhsuldur. Əhalini unla təmin etmək üçün ölkəyə kənardan hər il bir milyon tondan çox taxılı gətirilir. Bir rayonda tonlarla çörək atılır. Yəqin ki, qonşu rayonlarda da eyni vəziyyət var. Hesablanmalıdır ki, rayonda olan çörək sexləri nə qədər əhalini təmin edə bilir. Etmirsə, kənardan gətirilməlidir. Eşidirəm ki, xaricdən də çörək gəlir. Özümüzə nə gəlib? Orucluq ayını nəzərə almaq vacibdir".
O xatırladır ki, ötən il dünyada taxıl qıtlığı yaşanıb.
AzadlıqRadiosu xəbər verir ki, mövzu ilə bağlı Bakının çörək zavodlarının sahibləri və rəsmi qurumlarla danışmaq mümkün olmayıb.
-
- İqtisadiyyat
- 18 Aprel 2023 11:28
-
- Maliyyə
- 18 Aprel 2023 11:58
Cəmiyyət
-
Ötən həftəsonu respublikanın dağlıq və dağətəyi rayonlarına yağan intensiv yağıntılar növbəti dəfə yolların aşınmasına, yaşayış evlərinin su altında qalmasına və sel sularına səbəb olub.
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
Rəy yaz