Cüdo Federasiyası İsrailli idmançını Azərbaycanın adından çıxış etməyə dəvət edib

Məşhur İsrail cüdoçusu, Londonda və Pekində Olimpiya oyunlarının iştirakçısı Elis Şlezinger Azərbaycan Cüdo Federasiyasından gələcək yarışlarda bu ölkənin adından iştirak etmək təklifi alıb, xəbəri Ynet informasiya agentliyi yayıb.

Göründüyü kimi, bu məqsədlə ona vətəndaşlıq veriləcək. İdmançının çıxış edəcəyi “bayrağın dəyişdirilməsi” haqqında söhbət onun İsrail Cüdo Federasiyası ilə münasibətlərinin kəskin şəkildə pisləşməsindən sonra yayılıb.

Şlezinger milli komandanı dəyişmək təklifini bu yaxınlarda Bakıya səfəri zamanı alıb. O, Türkiyədə də buna bənzər təklif alıb.

Azərbaycan Cüdo Federasiyasından şərh almaq mümkün olmayıb.

Məlumdur ki, dövlət başçısı bu Federasiyanı sosial təminat naziri Fizuli Ələkbərova “həvalə edib”.

Legionerlərin Azərbaycana dəvət edilməsi hakimiyyətin idman uğurlarını nümayiş etdirmək üçün sevimli metodudur. İndiyədək demək olar ki, bütün idman növlərində onlarla əcnəbi idmançı Azərbaycan bayrağı altında çıxış edir. -02D-