![Abdullah Gül Erdoğanın inadından istifadə edə bilər](https://turan.az/resized/750/500/resize/media/2013/main/060500038855.jpg)
Abdullah Gül Erdoğanın inadından istifadə edə bilər
Türkiyə baş naziri Şimali Afrika ölkələrinə turnesini ləğv etməyib. Recep Tayyip Erdoğan Mərakeşə gedib və cümə axşamından əvvəl misli görünməmiş etiraz dalğalarına bürünmüş ölkəsinə qayıtmağı planlaşdırmır. Baş nazir ümid edir ki, o qayıdana qədər hər şey bitəcək, xəbəri Euronews yayıb.
Yerli və xarici müşahidəçilər hesab edir ki, Erdoğan həddindən artıq lovğadır və barışmazlığını nümayiş etdirmək istəyərkən vəziyyətə nəzarəti itirə bilər.
Onun fikrincə, nümayişçilər marginallar və hətta ekstremistlərdir və amansız repressiyalara məruz qalmalıdır. Bu fonda prezident Abdullah Gülün mövqeyi xeyli mənfəətli görünür.
“Narazılıq, tənqid mövcuddursa və seçkilərə hələ çox varsa, insanların bütün bunları dinc etirazlar yolu ilə ifadə etməsi ədalətlidir”, prezident belə hesab edir. Bir sıra müşahidəçilər hesab edir ki, Gül “türk baharından” öz maraqları üçün istifadə edə bilər.
Prezident də, baş nazir də Adalet və Kalkınma Partisinin (Ədalət və inkişaf Partiyası) – Türkiyədə qadağan edilmiş islam partiyasının dissident qolunun başında dururdu.
AKP 2002-ci il seçkilərində parlamentdə mütləq əksəriyyəti təmin edən nəticələrlə qələbə və hökuməti müstəqil şəkildə formalaşdırmaq imkanı qazanaraq, şoka səbəb oldu.
O vaxtki qanunvericilik partiya lideri olan Erdoğana baş nazir vəzifəsi tutmaq imkanı vermirdi. O, yerini Gülə güzəştə getmək məcburiyyətində qaldı. Lakin bir il sonra Konstitusiyaya düzəliş edildi və Erdoğan baş nazir oldu, sonradan isə iki dəfə yenidən seçildi.
Gülə gəlincə, o, 2007-ci ildə ölkə prezidenti vəzifəsinə seçilənə qədər xarici işlər naziri kürsüsü ilə kifayətlənmək məcburiyyətində qaldı. Həmişə ikinci mövqedə olan Gül hökumət başçısının əlində olan imkanlara malik deyil, “Hizmet” nüfuzlu müsəlman hərəkatının dəstəyinə malik deyil.
Tədricən iki siyasətçi bir-birindən uzaqlaşdı, 2011-ci ildə isə onların münasibətləri ciddi şəkildə pozuldu. Bunun səbəbi Erdoğanın Gülün əhatəsindəki namizədləri sonuncu parlament seçkilərində iştirak etmək imkanından məhrum etməsi olub. Prezident baş nazirin siyasətindən narazılığını gizlətməyib. Hazırki şəraitdə uduş kartı onun əlində ola bilər, Euronews belə hesab edir. -02D-
-
- Mədəniyyət
- 5 İyun 2013 18:13
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz