Açiq mənbələrdən foto.
Bakı/25.08.21/Turan: Abşeron rayonu Qobu qəsəbəsinin sakini, Kəmalə Gülmirzə qızı Sultanovanın (1995-ci ildə anadan olub) cəsədi avqustun 24-də evinin yaxınlığında aşkar edilib.
Abşeron Rayon Prokurorluğunun məlumatına görə, araşdırma zamanı qətli qadının keçmiş əri Nurlan Nazim oğlu Sultanovun törətdiyinə dair əsaslı şübhələr yaranıb. O, qadına çoxsaylı bıçaq zərbələri vurub.
Faktla bağlı Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanıb. Sultanov təqsirli bilinərək şübhəli şəxs qismində istintaqa cəlb edilib. İstintaq hərəkətləri davam edir, məlumatda bildirilir.
Qeyd edək ki, son zamanlar məişət zəminində qadın qətlləri çoxalıb. Bu cinayətlər sosial şəbəkələrdə müzakirə mövzusu olub, feministlər isə bir sıra etiraz aksiyaları keçiriblər. Bundan sonra Baş Prokurorluq qadınlara qarşı zorakılıq halları ilə əlaqədar əhaliyə xüsusi müraciətlə çıxış edib.
Müraciətdə qeyd olunub ki, 2021-ci ilin birinci yarısında 33 qadın qəsdən adam öldürməklə bağlı cinayətlərin qurbanı olub. Baş Prokurorluq qadınlara qarşı zorakılıq hallarında təcili olaraq Baş Prokurorluğun "961" nömrəsinə zəng etməyə çağırıb.
Öz növbəsində, yerli hüquq müdafiəçiləri hesab edirlər ki, zorakılıq faktlarının artmasının əsas səbəbi cəzasızlıqdır və Azərbaycanı İstanbul Konvensiyasına qoşulmağa çağırırlar. -16D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz