Bakı/28.03.22/Turan: Siyasi fəal Ravil Həsənov Almaniyadan Azərbaycana deportasiya olunmaq təhlükəsi ilə üzləşib. Azərbaycanda onu repressiyalar gözləyir. Bu barədə Turan Agentliyinə "Müdafiə Xətti" QHT-nin üzvü Zəfər Əhmədov bildirib.
Onun sözlərinə görə, Həsənov Almaniyada siyasi məhbusların və bütünlükdə Azərbaycanda insan hüquqlarının müdafiəsinə həsr olunmuş nümayişlərdə fəal iştirak edib. Hazırda o, deportasiya olunacaq şəxslərin saxlanıldığı mərkəzə yerləşdirilib.
Əhmədov hesab edir ki, Azərbaycanda Həsənovu Almaniyadan deportasiya edildikdən sonra uydurma narkotik ticarəti ittihamı ilə həbs edilən Mütəllim Orucovun, Məlik Rzayevin, Cəfər Mirzəyevin və Pünhan Kərimlinin aqibəti gözləyir.
Fəallar Aİ və Azərbaycan arasında readmissiya haqqında saziş çərçivəsində qaytarılır. Amma beynəlxalq hüquqa əsasən, readmissiya olunanlar təqibə məruz qalmamalıdırlar.
"Almaniya hökuməti fəalları Azərbaycanda gözləyən riskləri və təhlükələri bilə-bilə onları bu ölkəyə göndərir. Həbslərdən sonra AFR hökuməti bu problemi görməməyə çalışır", deyə Əhmədov bildirib.
AFR-in Bakıdakı səfirliyinin Həsənovun işi ilə bağlı məlumatı yoxdur. Ümumilikdə isə Almaniyadan qaytarılan fəalların həbsi haqqında sorğuya belə cavab veriblər: "Səfirliyin bu məsələrdən xəbəri var. Biz hadisələrin inkişafını diqqətlə izləyirik. Azərbaycan hökuməti ilə danışıqlar çərçivəsində müntəzəm olaraq insan hüquqları məsələləri ilə bağlı da əlaqə saxlayırıq". -06В-
Cəmiyyət
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
Rəy yaz