Bakı/22.10.18/Turan: Hakimiyyət çox pis təmayülün əsasını qoyub - həbs müddəti başa çatan siyasi məhbuslara yeni ittihamlar irəli sürür və onları yenidən həbsxanaya göndərir. Bu barədə Turan agentliyinə Siyasi Məhbusları Müdafiə Mərkəzinin əlaqələndiricisi Oqtay Gülalıyev bildirib.
Onun sözlərinə görə, 11 illik həbsdən sonra həbsxanada qanunsuz narkotik saxlamaq ittihamı irəli sürülmüş sabiq səhiyyə naziri Əli İnsanova əlavə olaraq 7 il azadlıqdan məhrumetmə cəzası veriblər. Xalq Cəbhəsi Partiyasının fəalı Məmməd İbrahim də bu yaxınlarda eyni tale ilə üzləşib. "Təəssüf ki, bu bədnam təcrübəyə son qoyulmayıb", deyə hüquq müdafiəçisi bildirib.
Sentyabrın sonlarında dini fəal Telman Şirəliyevə qarşı yeni iş açılıb. O, 2012-ci il oktyabrın 5-də Təhsil Nazirliyinin binası qarşısında etiraz aksiyasında iştirak etdikdən sonra 6 il müddətinə azadlıqdan məhrum edilib. Azad edilməsinə bir həftə qalmış onun yastığının altından şiş "aşkarlayıblar" və 317-2.1-ci (cəzaçəkmə müəssisəsində və ya istintaq təcridxanasında qadağan edilmiş əşyaların hazırlanması, saxlanması, gəzdirilməsi) maddə ilə ittiham irəli sürüblər.
Hüquq müdafiəçisinin fikrincə, yeni ittihamın əsl səbəbi Şirəliyevin əfv xahişini mzalamaqdan imtina etməsidir. Gülalıyev hesab edir ki, bununla hakimiyyət vətəndaşlarda qorxu yaradır.
"Ama bu cür əməllərlə onlar yalnız özlərinə qarşı nifrəti qızışdırır", Gülalıyev belə hesab edir. -05С06-
Cəmiyyət
-
Ötən gün leysan yağışları nəticəsində müqəddəs Məkkə və Mədinə şəhərlərinin küçələrini su basıb. Sel yollara və avtomobillərə ziyan vurub. Səudiyyə Ərəbistanının digər yaşayış məntəqələrini də su basıb.
-
Azərbaycanda uşaq ölümlərinin sayında artım olduğu bildirilir. Ötən il ilə bağlı rəsmi statistika hələ açıqlanmasa da, 2023-cü ildə 1 yaşınadək vəfat edən uşaqların sayı 2 min 39-a çatıb. Bu, 2022-ci illə müqayisədə 2.1 dəfə çoxdur. 1000 diri doğulan körpələrin ümumi sayında 1 yaşınadək vəfat edənlər 18.1 nəfər (1.8 faiz) təşkil edib.
-
Yanvarın 8-də Bakıda və Abşeron yarımadasında yağış yağacaq, bəzi yerlərdə intensiv olacaq. Günorta yağıntı kəsiləcək. Cənub-şərq küləyi əsəcək. Havanın temperaturu gecə 4-8, gündüz 8-11 dərəcə olacaq. Nisbi rütubət 75-85% təşkil edəcək.
-
Könüllülər Yeni il ərəfəsində “Bölüşək, sevindirək!” adlı növbəti xeyriyyə təşəbbüsünü həyata keçiriblər Dünya Azərbaycanlılarının Həmrəyliyi Günü və Yeni il münasibətilə “Azercell Könüllüləri” ənənəvi xeyriyyə aksiyası keçirib. “Bölüşək, sevindirək!” şüarı ilə təşkil olunan bu kampaniya çərçivəsində Könüllülər İkinci Vətən müharibəsinin şəhid və qazi ailələrinin, eləcə də aztəminatlı ailələrin uşaqlarını ziyarət edib və onlara bayram hədiyyələri təqdim ediblər. Ümumilikdə 200-dən çox uşağa bayram hədiyyələri çatdırılıb.
Rəy yaz