Salyan şəhərinin mərkəzindəki kompleksin ərazisində yaşıl şam ağacları kəsilir. Bu haqda Turan-a Salyanda fəaliyyət göstərən “Demokratiyaya Yardım” İctimai Birliyindən məlumat verilib
Xəbərdə deyilir ki, bu kompleks II Dünya Müharibəsində həlak olanların xatirəsinə yaradılıb. 20-yə qədər köklü şam ağacı bu ərazidə mağaza tikintisi üçün qırılıb. Ağacların qırılması rayon ictimaiyyətinin narazılığına səbəb olub. Yaşıllığı qorumalı olan Ekologiya və Təbii Sərvətlər Nazirliyi isə ağacları qıranları himayə etməkdə ittiham edilir.
Bu məsələ ilə bağlı ictimai birliyin müraciətinə 3 saylı Ərazi Ekologiya və Təbii Sərvətlər şöbəsi mahiyyətdən uzaq cavab verib. Belə ki, nə üçünsə şöbə kompleksə aidiyyatı olmayan 0, 0132 ha sahənin Bakı sakini Əliyar Fərzəliyevə satıldığı cavabını verir. Xatirə kompleksi ərazisində “yaşıl ağac kəsintisi”ni görmədiyini bildirir. Şəhərin Bünyadzadə küçəsində güclü külək nəticəsində qırılan 1 qovaq ağacının sınaraq yola düşməsi haqda yazır. Nəhayət, cavabın sonunda “3 saylı Ekologiya və Təbii Sərvətlər şöbəsi əməkdaşlarının akt tərtib edərək təbiətə dəyən ziyanı hesablaması” kimi ünvanı və mahiyyəti olmayan cümlə yer alır.-05D-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz