Deputatlığa keçmiş namizədlər Avropa məhkəməsində hökumətlə razılaşmaqdan imtina ediblər

  Cümə axsamı Avropa İnsan Hüquqları Məhkəməsi (AİHM) 2010-cu ildə Azərbaycanda keçirilmiş parlament seçkilərində öz hüquqlarının pozulması ilə bağlı 14 ərizəçinin şikayətinin təmin olunması barədə qərar qəbul edib.

Onlar deputatlığa namizəd olublar və öz ərizələrində hüquqlarının Avropa İnsan Hüquqları Konvensiyasının 1 saylı protokolunun 3-cü maddəsi (azad seçki hüququ) üzrə pozulduğunu bidiriblər. Bu barədə Turan-a vəkil Asabəli Mustafayev məlumat verib. Onun sözlərinə görə, məhkəmə Xalid Bağırov, Tural Abbaslı, Yeganə Hacıyeva, Əlaif Həsənov, Xəyyam Məmmədov, Əli Qasımlı, Təzəxan Mirələmli, Pərviz Həşimli, Natiq Cəfərov, Eyyub Ümidov, Vüqar Əliyev, Möhübbət Cabbarov, Vahid Cəfərov və   Razi Abbasovun hüquqlarının pozulduğunu tanıyıb.

AHİM qərara alıb ki, onlara ümumi məbləği 135 min avro həcmində kompensasiya verilsin.

A.Mustafayev iki ərizəçinin maraqlarını təmsil edib. Onun sözlərinə görə, AHİM qərar çıxarılması   müddətinin yubadılması ilə əlaqədar 14 iş üzrə ümumi qərar qəbul edib.

Hüquqşünas X.Bağırov AHİM-də işi şəxsən qazanması ilə yanaşı Strasburq məhkəməsində 4 ərizəçini təmsil edib.

X.Bağırov Turan-a bildirib ki, Azərbaycan hökuməti ərizəçilərə dinc razılaşma təklif edib.

Öncə hökumət kompensasiya verilməsinə razılaşıb, lakin ərizəçilərin hüquqlarının pozulmasını tanımaqdan imtina edib. Sonra hökumət kompensasiya ödəməyə və ərizəçilərin hüquqlarının pozulduğunu tanımağa razı olub, yetər ki, ərizələr AHİM-də baxılmaqdan geri götürülsün. Lakin ərizəçilər bununla razılaşmayıblar. İndi AHİM-in qərarından sonra AŞ Nazirlər Komitəsi onun icrasına nəzarəti həyata keçirəcək. –06D--