Bakı/09.12.19/Turan: Dekabrın 9-da Rusiya Federasiyasının Dərbənd şəhərində artilleriya generalı, SSRİ Bakı Hərbi Dairəsinin HHM qoşunlarının komandanı, 1975-ci ildən Azərbaycan SSRİ-nin rabitə naziri Hüseyn Rəsulbəyovun heykəli ucaldılıb. O, rabitə naziri vəzifəsində ömrünün sonuna qədər işləyib.
Müstəqil Azərbaycanda buraxılan 250 manat nominallı marka Rəsulbəyova həsr olunub. Bakıda yaşadığı evin divarına xatirə lövhəsi yerləşdirilib.
Azərbaycan mətbuatında abidənin quraşdırılması təşəbbüsünün Azərbaycan tərəfə aid olduğu, ölkənin abidənin hazırlanması, quraşdırılması, habelə ona bitişik ərazinin abadlaşdırılması üzrə xərcləri öz üzərinə götürdüyü barədə məlumat yayılmışdı.
1985-ci ildən Dərbənd küçələrindən biri H.Rəsulbəyovun adını daşıyır (1917-1984), abidə bu küçənin 345-ci Dağıstan Atıcılıq Diviziyası küçəsi ilə kəsişməsində ucaldılıb. —0—
Cəmiyyət
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
-
Çərşənbə günü paytaxtda gecə və səhər yağış yağacağı gözlənilir. Şimal-şərq küləyi günün ikinci yarısında cənub-şərq küləyi ilə əvəz olunacaq.
-
Builki COP29 iqlim konfransının aktiv səhnələri arasında özünü FINS Təşəbbüsü adlandıran bir qrup tərəfindən təşkil edilən balina ovu və dənizin dərinliklərindən faydalı qazıntıların hasilatına qarşı etiraz nümayəndələrin və müşahidəçilərin diqqətini cəlb edib. Lakin qrupun legitimliyi ilə bağlı suallar yaranır, çünki İnternetdə axtarış onun mövcudluğuna dair dağınıq qeydlərdən başqa çox az dəlil verir.
-
Son iki gündə Tik-tok-da bakılıların dənizkənarı bulvarda gördükləri balina haqqında "xəbər" yayılıb. Ən çox "müşahidə edənlər" video göstərərək heyvanın ölçüsünü şərh ediblər. Sonra digər "şahidlər" bunun balina yox, köpək balığı olduğunu bildiriblər. Daha sonra sualtı qayıq haqqında versiya ortaya çıxıb.
Rəy yaz