• contact.az Contact
  • Bakı
  • Clear26.40 C
  • Şənbə, 27 İyul 2024
    • flag_EN
    • flag_RU

Son yenilənmə

(7 saat əvvəl)
Din xadimləri üçün xütbə nümunələri kitabının təqdimatı keçirilib
A- A A+
RU
Turan İnformasiya Agentliyi
Turan İnformasiya Agentliyi

Din xadimləri üçün xütbə nümunələri kitabının təqdimatı keçirilib

Çərşənbə günü Qafqaz Müsəlmanları İdarəsinin (QMİ) konfrans zalında “Axund və imamlar üçün xütbə nümunələri” kitabının təqdimat mərasimi keçirilib.

    Kitab QMİ tərəfindən hazırlanıb, cümə günü moizə üçün 52 xütbə nümunəsi göstərilib. Bu xütbələr üçün seçilən mövzular tövsiyə xarakterlidir. Axund və ya imam təqdim edilən mövzu ilə bağlı məzmunu özü hazırlayır. 
    Bununla yanaşı, kitabda dini materialların seçilməsi üsulları göstərilir. Bundan əlavə, milli tarixə dair materiallar da kitabda əksini tapır. QMİ sədri, şeyxülislam Allahşükür Paşazadə kitabı Azərbaycan din xadimləri üçün əhəmiyyətli adlandırıb. Bunun ilk dəfə tətbiq olunduğunu deyib. Amma müsəlman ölkələrində bu üsulun artıq tətbiq edildiyini qeyd edib. 
    Məscidlərə daha çox insan cəlb edilməsinə daha çox önəm verilib. “Əgər bir din xadiminin moizəsinə ancaq 10-15 nəfər adam yığılacaqsa, deməli onun moizəsi maraqlı deyil, həmin axundun özü yerində deyil”, - deyə QMİ sədri bundan çıxan nəticəni xatırladıb. Eyni zamanda, daha çox gənclərin məscidlərə cəlb edilməsi xüsusi vurğulanıb.
    Dini Qurumlar üzrə Dövlət Komitəsinin (DQDK) sədri Elşad İsgəndərov kitabın təqdimatını “QMİ tarixi üçün tarixi gün” adlandırıb. Kitabın peşəkarlıqla hazırlanmasına diqqət çəkib. Cümə xütbələrini ilahi hikmətin daim insanlara xatırladılması sayan komitə sədri xütbənin özündə daha çox birləşdirici cəhətlərə üstünlük verməyi tövsiyə edib. Xütbənin dini, ictimai və mənəvi cəhətləri özündə əks etdirməsinin vaciblyini qeyd edib. Bütünlükdə isə komitə sədri kitabın dini birliyə xidmət etdiyini əsas gətirməklə, bu xütbələrə “Vəhdət xütbələri” adı verilməsi təklifi səsləndirib. -05-
 

Rəy yaz

Cəmiyyət

Bizi sosial şəbəkələrdə izləyin

Xəbər lenti